عنوان الموضوع : شوفلور بطريقة أم لميس المطبخ الجزائري
مقدم من طرف منتديات العندليب

بسم الله الرحمن الرحيم
البارح درت شوفلور للعشا و جات في بالي نصور و نوريلكم أنا كيفاش نديرو زوجي يحبو بزاف منطولش عليكم أيا شوفو معايا
وجدي لاصوص : بصل+ثوم+توابل+ملح+زيت+طماطم مصبرة+رند خليها طيب حتى تعقاد
هات الشوفلور نقيه و قطعيه و غليه فالماء و الملح أنا نملح شوية الماء من بعد نقوللكم علاه نملحو
كيطيب صفيه و امعسية بالشوكة مليح ثم كسري عليه البيضمضرب مع التوابل فلفل أسود + كمون خلطي مليح ثم ضفيلو 2 ملاعق فرينة و خلطيه (الماء نملحو لخطرش البيض و الفرينة إنقصو الملح هي تقدري تذوقي بصح أنا هكذا نحب ندير) و في الأخير سخني الزيت و بملعقتين إرفدي كمية و كوريها و ارميها تتقلى حتى يحمارو
التقديم حطي أصابع الشوفلور في صحن و لاصوص بجهة و كل واحد إسقي كيما يحب و بالصحة والهنا
نخليكم مع الصور





هنا درت معاه سلاطة باذنجال




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

الشكر لك الأخت أمل على مرورك لصفحتي
و فيك بركة الأخت منى منورتني دايما بطلتك لصفحتي



__________________________________________________ __________

>>>> الرد الرابع :

يسلمو ايديك يا ام لميس وربي يحفظلك لميس الزينة انشاء الله


__________________________________________________ __________

>>>> الرد الخامس :

ﻚﻴﻓ ﻪﻠﻟﺍ ﻙﺭﺎﺑ