عنوان الموضوع : اللي تحب روز سهل ولذييييييييييذ تدخل طريقة جزائرية
مقدم من طرف منتديات العندليب

سلااااام
اليوم نشارك معاكم بطبق رائع فيه بنة وخفة ومنظر. وش رايكم تشاركوني فيه تفضلوووووو
المكونات
رطل روز تنقيه وتغسليه وتخليه ينشف
5حبات فلفل حلو مقطع مربعات
4حبات طماطم حمرا ومقشرة ومقطعه مربعات
مكعب ماجي انا درت تاع الخروف نحب طعمو
3 فصوص توم كبار
فلفل اسود وملح وبهارات واكيد شوية زيت
الطريقة :
نحط الفلفل مع الزيت والماجي والبهارات والثوم والفلفل الاسود والملمح مانكتروش لانو الماجي مالح وراح نملحو الروز وهو يفور
لما يذوب شوية الفلفل ويطرا نضيف الطماطم


تحطي شوية تاع زيت للروز وتخلطيه وتحطيه يفور وكل مرة نسقوه بالماء وينشف ونرجعوه يفور حتى يطرا وقبل التفويرة الاخيرة نضيفولو شوية ملح باش مايجيش سامط


لما يفور نخلطو معه قطعة زيبدة ونضيفوه لخليط الفلفل والطماطم اللي تكون طابت وماتخليهاش تنشف لازم تكون فيها لاصوص باش يشربها الروز

شكلووو يشهي صح ؟
وهنا بعدما سربيتوو . انا درت معاه دجاج محمر وزينتو بالزيتون الاخضر المقطع وفلفل مقطع ومعدنوس ومايونيز


وهذا شكلوو قريييب باش نشهيكم اكثرررر هههههه




نتمنى تجربوووه وراح تدمنو عليه خصوصا اللي تحب الروز
اعطوني رايكم يافحلات بعدما تذوقوه ههههه
ملاحظة: تقدري تضيفي مع المكونات لحم مفروم وتقليه مع التوم وتضيفي بقية المكونات هكذا نعملو احيانا ويجي رائع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كي نذوقه نردلك الخبر

__________________________________________________ __________

>>>> الرد الثاني :

ما شاء الله يهببببببببل

__________________________________________________ __________

>>>> الرد الثالث :



__________________________________________________ __________

>>>> الرد الرابع :

ربي يبارك باين يشهي

__________________________________________________ __________

>>>> الرد الخامس :

اممممممممممممممممممممم هايل كيما لي يتباع