عنوان الموضوع : السلق على طريقتي مرحبا بيكم طريقة جزائرية
مقدم من طرف منتديات العندليب


السلام عليكن حبيباتي اليوم حبيت نوريلكم طريقة من الطرق اللي نستعملها على سبيل التغيير في شكل وذوق وطريقة طبخ السلق
تفضلو معايا
المقادير:
نحتاج ربطة سلق نغسلها ونقطعها رقيقة شويا
حبات بطاطا انا درت 5 حبات
4 حبات بيض و 4 فرماج
2 او 3 سنينات ثوم
2 ورقات رند
توابل انا ستعملت: الملح، فلفل اسود، كمون، كروية، زريعة البسباس، حبة الحلاوة
شويا زيت و اصبع زبدة
الطريقة:
نحط سيقان السلق المقطعة في المقلات ونحط عليها ملعقة زيت وجميع التوابل ونغطيها ونخليها حوالي 10 دقائق او اقل المهم حتى تطيب من بعد نحط فوقها الورقات تاع السلق تاني المقطعين و سنينات الثوم قطعي كل واحد على 2 ووريقات الرند ونحي الغطا وخليها تطيب وحركيها ساعة على ساعة هكذا باش ميطلقش الماء تاعو

من جهة اخرى غلي البطاطا بقورها في ماء وملح ثم قشريها ورحيها فقط بالفرشيطة وزيديلها اصبع زبدة و 4 حبات فرماج مثلثات

ثم زيديلها السلق وخلطيها جيدا


من جهة ثانية ضربي البيض مع التوابل بالفرشيطة

وفرغيه فوق الخليط تاع البطاطا والسلق راحة تتحصلي على عجينة شبه جارية نفرغها في قالب الفرن المدهون بالزبدة والمروش بالشابلير والى الفرن حتى توفيها خذا تحميرة خفيفة انا ما حمارليش كان لحقق بابا ولازمو ياكل بلا مايستنا طبعا هههههه ولا يديلنا سووووووووق

استناي حتى يبرد شويا من بعد اقلبيه وزينيه كيما حبيتي واللي يحب الحار ممكن تديري الهريسة انا استعملت الكاتشب والهريسة

وتاكلوه بالصحة والهنا

في انتضار الرد منكم حتى وان لم يعجبكن قولوهالي خير ياخي هههههههههه

في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة هاااااااااااااايل

__________________________________________________ __________

>>>> الرد الثاني :

يعطيك الصحة يهبل

__________________________________________________ __________

>>>> الرد الثالث :

المشاركة الأصلية كتبت بواسطة ام عبيدة
يعطيك الصحة هاااااااااااااايل

شكرا حبيبتي ربي يحفضك

__________________________________________________ __________

>>>> الرد الرابع :

10/10 يعطيك الصحة

__________________________________________________ __________

>>>> الرد الخامس :

يبان هااااااااايل بارك الله فيك