عنوان الموضوع : كوكة بالتشكتشوكة....ممممممممم من مطبخي
مقدم من طرف منتديات العندليب

اليوم جبتلكم كيفية ساهلة وبنينة توالم للصيف
العجينة
4 كيسان فرينة
كاس زيت
قرصة فلفل اسود
شوية خميرة كيميائية حوالي نصف كيس او اقل
ملح
ماء حتى تلتم

حطي الفرينة مع الملح والخميرة وفلفل اسود ثم الزيت وحكيها مليح ثم لميها بالماء

للحشو
تشكتشوكة عادية
قليت راس فلفل اخضر حلو وراس فلفل اخضر حار مقطعين رقيق في شوية زيت مع ملح وثوم مرحي وحطيت معهم شوي ماء حتى ذبال مليح من بعد ضفت الطماطم مرحية وشوية طماطم مصبرة مع عكري حار ومرقتلهم بشوي ماء وخليتهم حتى طابو وكي قربو ينشفو ضفت زوج حبات بيض
ثم حليت العجينة وقطعتها دوائر وحشيتهم بالحشو بعدما برد وحطيتهم في سنية مرشوشة بالفرينة و دهنتهم بصفار البيض ودخلتهم الفرن وحمرتهم مليح
انشا الله يعجبوكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممممم الله يبارك

هاااايلة

بصحتكم وسلمت يداك

__________________________________________________ __________

>>>> الرد الثاني :

عجبتنييييييييييييييي
قوليلي كيفاش حليتي العجينة مرة وحدة ولا عدة مرات[/

__________________________________________________ __________

>>>> الرد الثالث :





__________________________________________________ __________

>>>> الرد الرابع :

اممممممممممممممممممممممممممممممممممممممممممممممم راهم يشهو مع كاس عصير شهية طيبة

__________________________________________________ __________

>>>> الرد الخامس :

[QUOTE=mahjouba fatima;1052741194]عجبتنييييييييييييييي
قوليلي كيفاش حليتي العجينة مرة وحدة ولا عدة مرات[/[/Q
حليتها مرة واحدة ونقطع والباقي نعاود نلمو ونحلها مرة تانية ونقطع على خاطر ما جيش مورقة