عنوان الموضوع : كرمب محشي بالروز طريقة جزائرية
مقدم من طرف منتديات العندليب

السلام عليكم
اليوم جبتلكم طبق تبانلي اقتصادي
درت كرمب محشي بالروز

نحتاج لهذا الطبق
طراف دجاج الي موجود المهم يطلق البنة

كرمب فنجان روز بصلة ثوم جزر توابل ( ملح فلفل اسود كمون كسبر رند )
ملعقة طماطم


الطريقة


نغلي اوراق الكرمب او نفورهم انا نضل نغليهم خمس دقايق

نجيب الروز تاعي نحمص شوية في مقلة
مبعد نحيه ومبعد نجيب بصلة مقطعة نذبلهافي شوية زيت مع الثوم
كي تذبل نضيفلها جزرة مرابية
ونخليها تذبل شوية الجزرة ومبعد نضيف الروز تاعنا ونتبل بالملح والفلفل الاسود وشوية كمون
وهكذا تكون الحشوة جاهزة
من جهة نوجد المرقة تاعنا نقلي طراف الجاج في شوية زيبت مع بصلة والتوابل وورقة الرند و حبة جزر مقطعة دوائر
ومبعد نمرق ونضيف ملعقة الطماطم


والباقي بالصور











هنا كي توجد المرقة نفرغها على الكرمب ونغطي
ونخليها على نار هادية حتى يطيب الروز







وهنا الطبق جاهز نزين بالدبشة وحبات زيتون وقطعة ليمون







اسمحولي اذا كاعرفتش نقدم الطبق واي سؤال انا حاضرة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


مممممممممم تاع الصح يشهي
يعطيك الصحة ’’

__________________________________________________ __________

>>>> الرد الثاني :

رائع اختي حسيبة اشهي يعطيك الصحة

__________________________________________________ __________

>>>> الرد الثالث :

مشكوووووووووووووووووووووووووووورة

__________________________________________________ __________

>>>> الرد الرابع :

يشهي يعطيك الصحة

__________________________________________________ __________

>>>> الرد الخامس :

تبارك الله عليه طجين روعة مشكورة تاكلوه بالصحة