عنوان الموضوع : **.. طبق رمضاني + اسهل تارت اناناس .. طبخ جزائري
مقدم من طرف منتديات العندليب

السلام عليكم
رمضانكم كريم شوفو حبابتي راني وجدت كيفياتكم قلت مافيهاش رمضان ان شاء الله كل مرة نجرب حاجة مي حبيت تاني نفيدكم و جبتلكم قراتان بالبطاطا مقلية و المعدنوس و تارت بالاناناس
** و نبداو بالقراتا
قلي اللحم مرحي حوالي 300 غ حسب واش تحتاجي-حجم البلا - في مقلاة مع بصلة صغيرة مقطعة رقيق و ملعقة زيت او زبدة قليه ثم ضفيلو مع كمية مليحة من المعدنوس مقطعة رقيق و الملح و الفلفل اسود عاى نار قليلة و خليها حتى تطيب
من جهة اخرى قطعي البطاطا مكعبات صغيرة و اقليها
ضربي البيض ضفي خلطي البطاطا + شوية معدنوس + اللحم مرحي + فورماج مرحي + شوية خبز مرحي - شابلير- + نصف ملعقة خميرة كيميائية
ادهني المول بالزبدة و قطعي 2 بيض مغليين بشكل دائري و ضعيها في المول ثم افرغي الخليط و اطهيه و اقلبيه و زينت بالمعدنوس من الفوق




** تارت بالاناناس
3 بيض , 3 ملاعق سكر عادي , 3 ملاعق اكل زبدة ذايبة باردة , 1 فاني , 1 خميرة كيميائية , كأس فرينة كبير , علبة أناناس نتاع رطل
كراميل
الطريقة : نحضرو الكراميل على جهة
نطلع البيض بالباتور , نضيف السكر + فاني و نضرب مليح نضيف الزبدة ثم الفرينة فيها الخميرة الكيميائية
نأخذ قالب الفرن و ندهنه بقطعة زبدة و نصب فوقه الكراميل و نوزع شرائح الاناناس و نصب العجينة و نطهوها في الفرن
بعدما تخرجيها اسقيها بشراب الاناناس اللي في العلبة و اقلبيها في صحن التقديم




و نقلكم صح فطوركم و نتلاقو في الحلقة القادمة نقلكم واش طيبت من عندي و واش جربت من عندكم


يا ترى شكون الفحلة اللي راح تجرب خاصة اللي يحب الاناناس ما يترددش في التارت راهي هايلة ...

 و أكيد و كالعادة و لأني أحبكم في الله نستنى منكم دعوة الخير في هذا الشهر الفضيل و لكم بالمثل باذنه تعالى
ســــــــــــــــــلام




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممم شهيتيني ماشاء الله بغيت نسقسيك كي تلعي البيض البياض وحدو و الصفار وحدو ولا ل زوج

__________________________________________________ __________

>>>> الرد الثاني :

مشـــــــاء الله تبارك الله

امممممم أطباق شهية

بارك الله فيك وعليك أختى وحقق أمانيــــــــــك

رمضانك كريم


__________________________________________________ __________

>>>> الرد الثالث :

المشاركة الأصلية كتبت بواسطة بنت غليزان
امممممممممم شهيتيني ماشاء الله بغيت نسقسيك كي تلعي البيض البياض وحدو و الصفار وحدو ولا ل زوج

أهلا يا بنت غليزان .. تضربيهم في زوج مع بعضاهم
صح فطورك حبيبة


__________________________________________________ __________

>>>> الرد الرابع :

المشاركة الأصلية كتبت بواسطة صفــاء
مشـــــــاء الله تبارك الله

امممممم أطباق شهية

بارك الله فيك وعليك أختى وحقق أمانيــــــــــك

رمضانك كريم

و الله دعوة ترد الروح شكون خير مني بردك هذا
ان شاء الله يا ربي لك بالمثل و يسعدك دنيا و آخرة يا رب
رمضان كريم و سعيدة جدا جدا بمرورك صفاء
تـحياتي


__________________________________________________ __________

>>>> الرد الخامس :

ماشاء الله ................ الله يبارك