عنوان الموضوع : مائدتي 20 اتفضلوو::: المطبخ الجزائري
مقدم من طرف منتديات العندليب

السلام عليكم
بصحتكم الفطور اليوم راني كملت مائدتي 20 شفتو يايلفحلات والله غير رمضان فات يجري وراه قرب موعد صنع الحلويات وسور راح نتلهاو بيهم وانا منكذبش عليكم خياتي ممكن في هذي 10 ايام الاخيرة راح نكون مشغولة بزاف بالتحضيرات للعيد راكم تعرفو كامل الشغل وغسيل والقاطو او+++++ املا ممكن راح نغيب عليكم واذا محطيتش مائدتي متزعفوش عليا اوكي خياتي راح نخليكم مع مائدة اليوم لي نتمنى تنال اعجابكم ومتنساوش تقيمكم وياريت من اول يوم لرمضان (من 1 حتى 20) قولولي رايكم ياخياتي

ولغز اليوم راح تلقاوه في الاسفل البارح الفائدزة هي:

أم طيري الجنة

وبالنسبة للمونو تاع اليوم:

شربة
سلاطة
بانغا
اولات بالخضر
طاججين الجلبان
والحمد لله على النعمة









واللغز هو:
سبعة والسبعة رباطاعش (14) وسبعة واحد وعشرين(21) ثمنطاعش(18) خافية وثلاثة (3) متقابلين

شكون الفحلة لي تعرفها راني نستنى فيكم خدمو الخشخاش شوية



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يدوم عليكم النعمة و عليك الصحة و ربي يفرحك
اما اللغز فهو شوي صعيب حتى نتمخمخ شوي و نردلك

__________________________________________________ __________

>>>> الرد الثاني :

المشاركة الأصلية كتبت بواسطة ام طيري الجنة
الله يدوم عليكم النعمة و عليك الصحة و ربي يفرحك
اما اللغز فهو شوي صعيب حتى نتمخمخ شوي و نردلك

ربي يعيشك حنونة وبصحتك الفطور ومطوليش عليا راني نستنى في اجابتك

__________________________________________________ __________

>>>> الرد الثالث :

يعطيك الصحة ميمي ماشاء الله مائدة رائعة بصحتكم بالنسبة للغز اختك والوووووووو ههههههه

__________________________________________________ __________

>>>> الرد الرابع :

المشاركة الأصلية كتبت بواسطة oum ibrahim
يعطيك الصحة ميمي ماشاء الله مائدة رائعة بصحتكم بالنسبة للغز اختك والوووووووو ههههههه

شكرا ام امبراهيم صح فطورك واش راكي راكي تغيبي علينا ان شاء الله راكي في صحة وعافية وبالنسبة للغز حاجة ساهل لازم عليك تخدمي شوية خشخاشك هههههههههههههه

__________________________________________________ __________

>>>> الرد الخامس :

الله الله على ذيك الطابلة تشهي بصحتكم حنونة مي اللغز والله مانعرف مي راني نعصر في الخشخاش والى عرفتو راني نقولك مي سور مانعرفوش لانو شوي صعيب
والله يعطيك الصحة على الفطور يشهي