عنوان الموضوع : المخلع طبق تقليدي من ولايتي بشار المطبخ الجزائري
مقدم من طرف منتديات العندليب

تاني وصفة تقليدية من مطبخ بشار
المـــــخلــــــــــــــــع
يسمى هكدا لانه فيه الخليع أكيد تعرفوه وهو اللحم المقدد او اللحم اللي يبسوه وريحته عاتقة ولما تضيفيه في الأكل يعطيك واحد المداق ماتتصوروش
نخليكم مع المقادير

بصل مقطع رقيق
شحم مقطع رقيق
فلفل اخضر حار مقطع رقيق
الخليع تاني مقطع رقيق يمكن تستبدليه بالكفته حتى هي تجي هايلة فيه بعد ماتكوني طيبتيها مع شوي توم وقصبر اخضر في المقلاة
تحكي جزرتين في لاراب
تمزجي كل المقادير اللي قلتلك عليها وتضيف الملح والتوابل اللي هما الفلفل الاكحل والحار والبارد وملعقة طماطم مصبرة وتخلطي مليح وتخليهم على جنب
تعجني عجينتك فرينة وماء ولح وتدلكيها مليح وتخليها ترتاح تقطعي كويرات متوسطة وتمليهم بالحشو نتاعك وتقرصيهم وتطيبيهم في طاجين لحديد وتحمريهم من الجهتين والريحة اممممممممممممممم مانحكيلكش هايلة وتقدميهم مه الشاي بالنعناع
نتمنى تجربوهم وردوا عليا ولما تتوفر لديا الصور راح نحطهم
ماتنساونيش بدعواتكم ................باي

هده الصورة النهائية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شحااااااال عندي من سنة ماكليتش اللحم القديد بلاك نجربوا في العيد الجاي مشكوووورة على الوصفة

__________________________________________________ __________

>>>> الرد الثاني :

يعطيك الصحة بارك الله فيك

__________________________________________________ __________

>>>> الرد الثالث :

شكرا باينة بنينة

__________________________________________________ __________

>>>> الرد الرابع :

بارك الله فيك اختي انا نحب القديد مع البركوكس ايجي روعة

__________________________________________________ __________

>>>> الرد الخامس :

يعطيك الصحة يشهي