بربوشو روايال ..............ليديا الطمطومة المطبخ الجزائري
عنوان الموضوع : بربوشو روايال ..............ليديا الطمطومة المطبخ الجزائري
مقدم من طرف منتديات العندليب
اول مشاركة ليا في قسم العجنات و الاطباق الرئيسية
حبيت ننبهكم لملاحظة البربوش روايال تجي مرقا بيضة لكن انا عندي لعجوز متحبش البيضة لازم حمرا
بصح نعاودها ان شاء الله بيضة
حبيت نقدملكم وصة جديدةنبدا بادن الله
ادوات المطبخ
والان يلا للطبخ
لحم خرو ف انا عندي الكرومة
خضر
بطاطا-
جزر-
جريوات
-خردل
-بصل
-ثوم
قرن فلفل اخضر
بربوشة
توابل
لحم مرحي
ناتي بالخضار
نقشرهاو نغسلها مليح
وهدي الحفارة ديالي
وهدو الللي نحيتهم من الخضر تقدري تفوريهم و تعملي بيهم قراتان كيما مالفة نديرها
وهدي الخصر مفرغة من الوسط
وهنا نداوي البرمة نتاعي
وهنا نزيد اللحم
وهنانمرق بكاس ماء
وهنا كي تغلي ربع ساعة في الدوا نتاعها امرقي بحوالي 3كاس ماءوخليها تغلي و اقفلي الكوكوط يطيب اللحم نص طياب
وهدا اللحم المرحي
مهنا حطيتلو التوابل
وهنا حشيت الخضار
وهنا كي يطيب اللحم نص طياب حلي على الكوكوط و ارميهم فيها و عاودي اغلقي
وهنا كي طابو نحيتهم باه ميتفتوش يبقاو شادين رواحهم
ناتي ضرك للبربوشة
نديرلها شوية زيت و نشمخها بشوية ما ....................اكيد الحراير تعرف كفاه تدير البربوشة
وكي تفور نديرلها نسومها ابالماء و نخليها شوية كي تشرب الماء نديرلها مغرف زيت و شوية ملح و نرجعها تفور المرة الثانية
وهنا عدل الصحون
وهدا لمولى بيتي ياكلها غير هكدا واللحم طبعا
وهنا درت معاها سلاطة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة اختي على هالطبق الهايل
ربي يحفظك
__________________________________________________ __________
>>>> الرد الثاني :
المشاركة الأصلية كتبت بواسطة *نسيبة* 
يعطيك الصحة اختي على هالطبق الهايل
ربي يحفظك
الله يعيشك اختي
__________________________________________________ __________
>>>> الرد الثالث :
الله الله سخفتيني على الصباح
__________________________________________________ __________
>>>> الرد الرابع :
ممممممممممممممم حنونة روووعة ويسلم يديك وراكي وعدتي ووفيتي شكرا ليك وبارك الله فيك
وهاذ البربوشة نديروها أكثر في عراسنا مممممممممممم
__________________________________________________ __________
>>>> الرد الخامس :
أووووووووووووووووو يسلم يديك عجبني بزاف
هذا يخمر الوجه نحاول نطبقو بإذن الله كي يجيونا الضياف نفوخ بيه شوية ههههههههههههههه
يعطيك ألف عافية
رد مع اقتباس
