عنوان الموضوع : البوبنيط طبخ جزائري
مقدم من طرف منتديات العندليب

السلام عليكم

جبتلكم اليوم طريقة البوبنيط((حنا هكذا نسموه ))
ونطيبوه في مرقة تاع الطعام حمرا

نديرو المرقة تاع الطعام تطيب ونبداو نحضرو البوبنيط

بصلةوكسبر وثوم وفلفل احمر طماطم مصبرة 3مغارف زيت وفلفل اكحل وهريسة وزوج بيضات



نقطعو فوقو الغرس والدشيشة تكون شوية خشينة


نخلطوهم مليح ونعجنوهم بالمرقة تاع الطعام(نحو شوية مرقة ونعجنو بيه مليح حتى نتحصلو على خليط رخو((ليس جاري وليس ناشف))



نجيبو لمصارن الغليضة تاع الكبش ونربطوهم بالخيط ونعمروهم بالخليط ونربطوهم بالخيط ونثقبوهم بالابرة



وكي يطيب اللحم نحيه من القدرة ومن بعد حطي البوبنيط يطيب في المرقة مدة نص ساعة



وكي يطيب نحيه وخليه يبرد



ومن بعد قطعيه دوائر وبصحتكم



ان شاء الله يعجبكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رووعة ومنكي نستفيد

__________________________________________________ __________

>>>> الرد الثاني :

بارك الله فيك اختي

__________________________________________________ __________

>>>> الرد الثالث :

ماشاء الله تقريبا مثل انتاعنا

__________________________________________________ __________

>>>> الرد الرابع :

تبان رائعة444444444

__________________________________________________ __________

>>>> الرد الخامس :

هايل الله يبارك تسلم ايديكي