*غراتان بالقرعة *خفيف ومشهي
عنوان الموضوع : *غراتان بالقرعة *خفيف ومشهي
مقدم من طرف منتديات العندليب
السلام عليكم
غراتان بالقرعة
وصفة لذيذة وخفيفة اممممم
المقادير
رطل قرعة
قطعة صدر دجاج متوسطة
2حبات بصل كبار
ربطة معدنوس
4الى 5بيض
جبن ابيض
ملعقة كرام فراش اختياري
ملعقة صغيرة خميرة كميائية
توابل فلفل اسود وقصبر مطحون وملح
زيت وماء
قليل من الشابلير وقليل من الجبن المبشور
طريقة التحضير
اسكرفجي القرعة في الرقيق
اسكرفجي البصلتين على الدجاج وحطي الزيت التوابل والملح قليه مليح حتى يذبال البصل
مرقي شوية وحطيه يطيب حتى يشرب كل المرقة يطيب الدجاج ويقعد غير البصل
لازم ادري 2بصل كبار البصل هو الي يبنن الوصفة
كما هنا شوف كيف طاب الدجاج وتشرب المرقة كلها لازم ماتبقاش المرقة
فتي الدجاج وحطي عليه القرعة مسكرفجة وغطيه وخلي هذيك القرعة اطيب وهي الي رايحة تتلق الماء اتعها وطيب بيه وانت كل مرة تخلطي وتعاودي تغطيها حوالي ربع ساعة
هنا راه طابت القرعة
حضري خليط البيض المعدنوس والجبن والكريمة
حطي عليها القرعة الي طابت مع الدجاج واظيفي ملعقة صغيرة خميرة كميائية
ادهني ليغامكان بالزبدة
حطي الخليط وحطي فوقهم رشة لاشبلير وجبن مبشور
مباشرة الى الفرن
طريقة التقديم
من الداخل
ان شاء الله اجربوه هايل وبنين مايبانش بلي قرعة تقولي طاجين الجبن خاصة الاولاد الي مايحبوش القرعة مايفيقولهاش ههههه
مع تحيات ام اسلام واية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة على الوصفة تشهي
__________________________________________________ __________
>>>> الرد الثاني :
بارك الله فيك حنونة ممممممممممممم بنينة انا تاني نعملها في الفور نقصها بالطول ونقليها ونقلي فقاع في شوية زبدة ونحط طبقة منهم وطبقة كريم الجبن باه ياكلوها وطريقتك هايلة
__________________________________________________ __________
>>>> الرد الثالث :
يعطيك الصحة اختي
__________________________________________________ __________
>>>> الرد الرابع :
يعطيك الصحة
__________________________________________________ __________
>>>> الرد الخامس :
اممممممممممم الشكل روعة والطريقة سهلة
وانا عندي اختي تموت عالقرعة وكيما تقلشني راح نقلشها ونطبقها شكرا صوحا فطورك اختي
هيا فعلا خفيفة وسهلة
رد مع اقتباس
