عنوان الموضوع : وين راهم حراير المنتدى يحكولنا على الفتيل المطبخ الجزائري
مقدم من طرف منتديات العندليب



احكولنا على لفتيل يا فحلات المنتدى



يا ترى من تعرف تفتل الطعام
وهل تفتلي او يفتلولك او

تفضلين اقتنائه من المحلات



تعرفي تحضريه كما يلزم وبكميات كبيرة؟؟؟؟؟؟؟؟؟؟
جفنة مثلا
ماهي طريقتك والمرقة بيضا ولا حمرا؟؟؟؟؟؟؟؟؟؟؟؟؟؟


اي اي انت ايه انت مشي تدخلي وتخرجي ههههه تعرفي تفتلي ولا لالا؟؟؟؟؟؟؟؟؟؟؟؟؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا الصراحة مانعرفش حتى كيفاه يبدوا يديرون الحقيقة تعطيني ماما و عجوز تي بصح عمري ما شريتو

__________________________________________________ __________

>>>> الرد الثاني :

انا نعرف نفتل خطرات نفتل اروحي وخطرات ماما تمدلي شكارة تاع 25 كغ وما نحبش تاع المحلات مرة شريتو بصح الي توالف تاع الدار ما يعجبهاش تاع برى
ونحضرو بمرقة حمرا عمري ما درتو مرقة بيضا وشكروهلي بزاف
وتاني عمري ما حضرتو بكميات كبيرة كما الاعراس مثلا
اقصى حد ممكن 20 شخص ههههههههههههههه ومعناها راني بذلت مجهود كبير
وطريقتي في التحضير لي عودة للشرح
ماما ماا علمتنيش تعلمت وحدي كانت تقولي اتلهاي بدراستك والطعام هو الساهل كي تتزوجي يجي لبنتي واجد
كي رحت للجامعة علمتني صحبتي
وكي تزوجت تورطت قلت لعجوزتي ندير كلشي الا طعام بكميات كبيرة نديرلك المرق برك
ولقيت روحي مجبورة نفتل حشمت
وضركا راجلي يقولي ما تفتليش وانا الصراحة نتوحش لفتيل نفتل كي يكون مسافر ههههههههههههههه وكي نعيا نحبس مش بزاف كما المحترفات تاع بكري
وكما قالو ناس زمان


قتلك يفنى مال الجدين و تبقى حرفة اليدين

__________________________________________________ __________

>>>> الرد الثالث :

هههههههه حكمتينا بروقة
أنا عن نفسي مانعرفش و مانيش رايحة نعرفو هههههههههههه أمي ربي يخليهالي هي لي تبعثلي .... قبل ماتمرض كانت تفتل بالقناطر بصح ضرك الصحة خانتها ولات تفتل عند بنت خالتي
المرقة نديروها حمراء بالخضر و كاين نتاع لعراس تاني حمراء بصح غير بالبصل و حمص و يزيدولها سكر أرطب من فوق ممممممممم توحشتها
و كاين بطبيعة الحال طعام مسفوف بالزبيب واللبن أو كيما يديروه في االقبائل بالفول و الجلبانة و الجزر بالزيت الزيتون

__________________________________________________ __________

>>>> الرد الرابع :

انا امي تمدلي ربي يحفضها جامي شريت

__________________________________________________ __________

>>>> الرد الخامس :

ايه نعرف نفتل واش قلتي حرة الحراير اه هههههههه يا بروقة على افكارك قبل ما نتزوج كانت جدتي ربي يحفظها ما تخليش وحدة فينا ما تعلمهاش لكن بعد الزواج تفنينت بحكم عائلة زوجي صغيرة عجوزتي الي تفتلو يكفي شهر او اكثر ما ياكلوش بزاف الطعام