عنوان الموضوع : دجاج و عليه الكلام بنة خارقة ههههه راني صح
مقدم من طرف منتديات العندليب

السلام عليكم اخاتي واش راكم
هاد الوصفة عطاتهالي ختي تسكن في البرج وصفتها كامل يحبوها و يموتو عليها مممم و راهي سهلة و ما تطلبش الوقت بزااف مليحة لضياف الغفلة في ربع او 20 دقيقة طياب مممم اظن ان معظمكم يعرفوها و لكن كيما ماقالت الاخت الوهرانية الله يذكرها على خير كاين مبتدئات و مادابيهم على الوصفات السهلة و البنينة كيما كنت انا من قبل
اترككم مع الصور و غدوا ان شاء الله نحط الوصفة لانو فات الحال و لازم ندير دودو نبروفيتي مادام وليدي راقد

المقادير
دجاجة كاملة او افخاذ الدجاج انا نشري غير الافخاد نحبهم
ليمونة تحكي بيها الجاج باش الريحة ما تبقاش
قدبة قصبر
12 سنة ثوم نص رابيه و نص خليه حب
6 مغرف كبار زيت
حبة طماطم مطحونة
نصف مغرف صغيرة كل من الكركب الكاري الكمون الفلفل الاحمر الزنجبيل و شوية ملح و فلفل اسود و زيدي لكمية التوابل على حسب كمية الدجاج



اخلطي التوابل و الثوم المرحي الدجاج و خليها تتبل مليح من ساعة فما فوق اذا ماعندكش الوقت ديريهم مباشرة تاني تجي بنينة


في كوكوطة ضعي الزيت خليه يسخن و زيديلو الدجاج و الثوم حب و الطماطم رابي و و خليهم يتقلاوه شوية اضيفي القصبر ثم غلقي الكوكوطة على نار هادىة لمدة 15 الى 20 دقيقة و مين تفتحي الكوكوطة شوفي اذا تحبي الجاج شوية حمر خلي الكوكوطة مفتوحة و خلي الجاج يحمار و عسي باش ما يلسقش



تحبي تقدمي هدا الطبق مع اي شي تحبيه انا قدمتو مع لوبيا كنت مفورتها و قليت الثوم رابي مع زيت الزيتون و دبلت الللوبيا في هاد الزيت مع شوية ملح و فلفل اسود ممم وصفة سهلة و لكن لذيذة

و هادي يد وليدي راه حاب يسرق اللوبيا ههه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ام ايوب مزال سهرانةراني موراك واش حطيتي اكل ذقت منو اسرعي بالوصفة نحب غير حاجة خفيفة وسريعة مشكورة كثيرا

__________________________________________________ __________

>>>> الرد الثاني :

في انتظار الوصفة اختي

__________________________________________________ __________

>>>> الرد الثالث :

3tiiiiiiiiinaaaaaaaaaa la recette rah ychahiiiiiiiiiiiiiiii

__________________________________________________ __________

>>>> الرد الرابع :

أم أيوب لا دودو لا والو ، حطي الوصفة لا نشقى ليك حتان باريس
واش قلتي

__________________________________________________ __________

>>>> الرد الخامس :

الوصفة شهيتينا