عنوان الموضوع : كسكس الشعير من مطبخي روووووعة طبخ جزائري
مقدم من طرف منتديات العندليب

لسلام عليكم ورحمة الله تعالى وبركاته
اليوم جبتلكم وصفة كسكس الشعير من مطبخي ان شاء الله تعجبكم
نبدا بسم الله بالمقادير

كيلو كسكس الشعير
رطل قرعة
رطل زرودية
ثلاث حبات بطاطا
حبة بصل
ملح فلفل اسود قرفة زيت
مغيرفة ونص طماطم مصبرة
شوية زبدة للدهن

التحضير
نغسلو الكسكس بالماء مليح ونعصروه باليد ونحطولو شوية زيت وانخلوه ينشف


نحكمو حبة بصل نقطعوها ونتبلوها وانديرولها شوية زيت وانحطوها تتجمر ف نار هادية



انضيفولها الطماطم المصبرة وانخلوها تتجمر ايضا



ثم نضيف مقدار كاس ماء وانخلوها حتى تغلي


في هذه الاثناء نكونو قشرنا الخضرة ديالنا وقطعناها بالطول





كي تغلي المرقة انحطو الزرودية والقرعة وانخلوها تتجمر فيها


وكي تنشف المرقة انمرقوها عادي وكي تغلي انحطو البطاطا



وانحطو كسكاس من فوق وانحطو الكسكس تاع الشعير يفور التفويرة الاولى



كي يفور الكسكس انحوه وانديرولو الملح وانشمخوه بالماء وانحطوه ينشف


كي ينشف انحطوه يتفور للمرة الثانية

وكي يتفور انحوه وندهنوه بالزبدة انا استعملت ماتينة



ان شاء الله تكون عجبتكم الوصفة ديالي تاع اليوم
بالهنا والشفاء
نتمنى تعطوني رايكم اخواتي العزيزات




انحبكم بزاف [/SIZE][/FONT]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممممممم اللهم ادمها نعمة

__________________________________________________ __________

>>>> الرد الثاني :

شهتينا في هدا البرد

__________________________________________________ __________

>>>> الرد الثالث :

وعليكم السلام ورحمة الله وبركاته
يعطيك الصحة اختي
حنا اكثر شيء ناكلوه باللبن ولاّ بالرايب
بصح اللي نديروهم اكثر شيء مع المرق: التشيشة تاع الزرع يعني الشعير، ولا المرمز - الشعير يحصد قبل نضجه - نوجدوهم بنفس الطريقة ونفوروهم 3 مرات وندهنوهم إمّا بالزبدة الحقيقية ولا بزيت الزيتون وراه يوالم بزاف للزرع.
بصحتكم

__________________________________________________ __________

>>>> الرد الرابع :

بصحتكم نموووووووووووووووووووووت عليه

__________________________________________________ __________

>>>> الرد الخامس :

يعطيك الصحة