عنوان الموضوع : بيتزا مجربة و ناجحة من مطبخي من مطبخي
مقدم من طرف منتديات العندليب

السلام عليكم أنا راني جديدة في هذا المنتدى و هذا أول موضوع ليا
مقاديرالعجينة :
كيلو فرينة+ 50غ سكر عادي ( مغرف كبيرة ) + حبة بيض + نصف مغرف صغيرة محسن الخبز ان توفر لديك + 3 مغارف كبار خميرة فورية + نصف كأس زيت + 2 مغارف كبار حليب لحظة + باطة ياوورت طبيعي أو كأس قازوز شفاف ذوق القارص + ماء حسب الحاجة
لاصوص تومات
4 حبات طماطم صغار + حبة فلفل حلو + حبة فلفل حار + 2 حبات بصل صغار + زعيترة + ورقة رند + كمون + فلفل عكري + فلفل أسود + 2 سنات ثوم + طماطم مصبرة + ر أس جزر + زيت + ملح
قطعي جميع الخضر إلى مربعات صغيرة ما عدا الجزر و حطي معها رأس جزر ( الجزر ينزع الحموضة كي تطيب لاصوص نرميه الجزر ويمكن تعويض الجزر بمغرف سكر ) ونحط جميع التوابل و الزيت و الملحونضعها في مقلاة فوق النار حتى تذبل الخضر ثم نضيف كأس ماء و نخليها تطيب كي تطيب نرحيها في الميكسور
* من جهة اخرى نضع اللحم المرحي + 2 سنات ثوم + حبة بصل صغيرة مرحية + كمون + فلفل اسود + ملح + زيت و نتركها على النار حتى يتغير لون اللحم ثم ننزعه و نضعه جانبا
طريقة التحضير :
حطي الملح و السكر و حليب لحظة و الزيت و الياوورت أو كأس القازوز و خلطي مليح ثم حطي قليل من الفرينة ممزوجة مع محسن الخبز و الخميرة ثم أضيفي الفرينة المتبقية و اعجنيها بالماء حتى تتحصلي على عجينة طرية قليلا مع الدلك المستمر ثم اتركيها ترتاح لمدة 5 دقائق ثم اقسميها إلى كريات صغيرة كيما حبة التشينة و خليها ترتاح لمدة ساعة
حلي كل كرية على شكل دائرة بواسطة الحلال بعد رش الفرينة فوق الكرية حليها رقيقة ثم ضعي فوقها لاصوص و ادخليها الفرن المسخن سابقا و طيبيها من تحت فقط حتى تولي حمرا ثم انزعيها و ضعي فوقها اللحم المرحي و الجبن المبشور و تزين بحبات زيتون و المايونيز
شهية طيبة
ملاحظة أنا أتعلم صنع الحلويات و هذه الوصفة أعطاها لنا الأستاذ أرجو أن تجربوها فقد جربتها مرارا و تكرارا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ولا رد و لاحتى مشاهدة

__________________________________________________ __________

>>>> الرد الثاني :

اولا اهلا و سهلا بك معنا
ثانيا يعطيك الصحة على الوصفة باينة تجي خفيفة
تبعي وصفات الحلويات معنا راح تتعلمي باذن الله

__________________________________________________ __________

>>>> الرد الثالث :

مشكورة حبيبتي ووفقك الله ارجو ان تتحفيننا بوصفاتك الجميلة وشكرا على مشاركتكي معانا في صفحة وصفات السيدة يعلى انا سوف احاول جمع جميع الوصفات وبالصور لكي يكون الموضوع جميل على العموم بارك الله فيكي اختي العزيزة

__________________________________________________ __________

>>>> الرد الرابع :

المشاركة الأصلية كتبت بواسطة sisi 26
ولا رد و لاحتى مشاهدة

شوية صبر
دخلت منذ قليل الا ان الميكرو تبلوكا عاودت طفيتو من جديد
مرحبا

__________________________________________________ __________

>>>> الرد الخامس :

شكرا أختي رمضانة و أحتي mimi 53 على هذا الترحيب أنا راني مستفادة من وصفات هذا النتدى قبل التسجيل و طريقة تعاملكم هي التي دفعتني إلى التسجيل
أخت رمضانة على بالك راني جربت من قبل وصفتك نتاع الكراو ديسير و جاتني تهبل لدرجة انهم كامل كلاو و مخلاوليش شكرا