عنوان الموضوع : أرواحو نحتفلوا بالربيع مع بعضانا من مطبخي
مقدم من طرف منتديات العندليب

اليوم دخل الربيع و أنا البارح عاودت درت البراج وجا يهبل يذوب في الفم و نتمنى تشوفوه و تعطيوني رأيكم

هذا بعد ما وجدتوا باه نبدا نطيبو





و هذا بعد ما طاب





و هذه لكل وحدة ترد على موضوعي



و في الاخير كل من عجبها موضوعي تدعيلي ربي يرزقني الذرية الصالحة المعافاة و كل المسلمات

الطريقة للأخت أم نور التي طلبت الوصفة
المقادير: 03 كيلات سميد متوسط و الأهم انو يشرب البساس و الماء + كيلة و شوية سمن مدينة مخلطة مع لابال و تسيحي على الكيلة بالزيت باش يجيك يذوب في الفم و في نفس الوقت ما يتفتتش
تبسيهم بيدك مليح و تخليه يرتاح ساعة أو أكثر، و من بعد تديري الملح و تبليه بماء عادي ماشي بارد و ماشي سخون ما تعجنيش غير حاولي تلمي برك و في الأخير زيديلو حفنة فرينة و شوية ماء الزهر على ذوقك خليه يشرب و غطيه بعد ساعة ولا أكثر شوفي اذا يحتاج الماء زيديلو......(المهم تتحصلي على عجينة ما تتفتتش )

أما الغرس أنا نستعمل تاع البطانة نقيه و نرحيه و نعجنو مليح بالماء حتى يتطلق و يعود يلصق في القصعة نزيدلوا شوية قرفة و قرنفل و في الأخير نلمو بكمية مليحة من الزبدة عينك ميزانك منو يتلم و منو يجيك طري و بنين و يساعدك في الخدمة
و من بعد أقسمي العجين على 02 قرصات كبار ديري القرصة الأولي قد الكسرة و من بعد حطي فوقها قرصة تاع الغرس و غطيهم بالقرصة الثانية تاع العجين و اقفلي مليح الجوانب و حطي عليها بلاستيك ولا سيلوفان و حليه بالعود مليح للسمك اللي تحبيه
في الطياب أنا نستعمل طاجين الطين فوقو طاجين الحديد باش يطيبوا مليح و مايتحرقوش
ان شاء الله نكون فهمتك مليح و أي سؤال راني هنا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعطيك الصحة و ربي يرزقك الذرية الصالحة اميييييييين لبراج جاوك هايلين بصحتك حنونة

__________________________________________________ __________

>>>> الرد الثاني :

المشاركة الأصلية كتبت بواسطة غزة في عيوني
الله يعطيك الصحة و ربي يرزقك الذرية الصالحة اميييييييين لبراج جاوك هايلين بصحتك حنونة

بارك الله فيك على المرور دمت سالمة

__________________________________________________ __________

>>>> الرد الثالث :

امممممممممممممممممم يسلمو جاتك هايلة

__________________________________________________ __________

>>>> الرد الرابع :

ربي يرزقك الذرية الصالحة اميييييييين

__________________________________________________ __________

>>>> الرد الخامس :

يعطيك الصحة
خرجلك تحفة
ربي يرزقك الذرية الصالحة عاجل غير آجل حبيبتي