عنوان الموضوع : شطيطحة بسبلس من مطبخي
مقدم من طرف منتديات العندليب

السلام عليكم حبيباتي
اليوم جبتلكم شطيطحة بسباس باللحم بقري
في الحقيقة عمري ولا طيبت البسباس باللحم موالفة نطيبو عادي بالخضر المشكلة
المقادير عادي درت حبة بصل صغيرة شوية لاخاطر درت كمية صغيرة وسنينات ثوم وورقات رند ومعدنوس وزيت وملح وشوية كمون وقرفة قليت اللحم معاهم وونقيت البسباس كي تقلاو مليح زدت البسباس معاهم ومرقت بالسخون ولحتلو الحمص وخليتهم يطيبو مادرتش في الكوكوت راجلي مايحبش طيابها
وكي قريب يطيب ويشرب مرقتو قليت البطاطا دوائر وطلقتها معاهم جا بنين صراحة مالقري مانحبوش بزاف
ماصورتش المراحل ماكنتش ناوية نديرو موضوع بصح طريقة ساهلة ماتحتاجش توضيح




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وصفة شهية يعطيك الصحة حنونة

__________________________________________________ __________

>>>> الرد الثاني :

انا نموت علي البسباس يعطيك الصحة ام محمد يوسف
أكيد من يديك بنين يا ريت حطيتي معاه الكسرة هههههههه
مكراشة أنا والله شهاني
*

__________________________________________________ __________

>>>> الرد الثالث :

هايل ام يوسف
مشهي ولذيذ44444444444444444

__________________________________________________ __________

>>>> الرد الرابع :

المشاركة الأصلية كتبت بواسطة parfumdor1
وصفة شهية يعطيك الصحة حنونة

الله يسلمك حنونة شكرا على المرور
المشاركة الأصلية كتبت بواسطة جوهر دعوة
انا نموت علي البسباس يعطيك الصحة ام محمد يوسف
أكيد من يديك بنين يا ريت حطيتي معاه الكسرة هههههههه
مكراشة أنا والله شهاني
*

الله يسلمك حنونة ماشي خسار لوكان غير نقدر نضيفك نعطيك الكسرة قيس ماتاكلي شهر
بارك اله فيك على المرور ، ربي يسترك ويهنيك
المشاركة الأصلية كتبت بواسطة أم ماجد
هايل ام يوسف
مشهي ولذيذ44444444444444444

شكرا أم ماجد على المرور ربي يرزقك على قد قلبك الكبير

__________________________________________________ __________

>>>> الرد الخامس :

يعطيك الصحة ام محمد يوسف

طبق ساهل ماهل و اكيد بنين

بصحتكم حنونة