كسرة مطلوع مية بالميةفي الفرن طبخ جزائري
عنوان الموضوع : كسرة مطلوع مية بالميةفي الفرن طبخ جزائري
مقدم من طرف منتديات العندليب
السلام عليكم وصح فطوركم
بعد ما طبقت خبز الدار الرائع لام اماني وخبز الفرن الممتاز لام ابراهيم وكانت نتيجة 10من 10
وعجب العائلة لكن زوجي يقلي ما كانش كيما المطلوع
مع ان خبز ام ابراهيم مطلوع وعجب لكن يقولي ما شي مطلوعالحكاية الكل على هذاك النقش لي يعمل
طاجين الطين في كسرة المطلوع جاتني فكرةاني نجرب نحط الطاجين في الفرن ونطيب مطلوووووووع
وجربت ومانت نتيجة هايلة
اولا العجين ** 2 كيلات سميد + 1كيلة فرينة + غنجاية سكر + غنجاية خميرة خبز ونلم بماء ساخن
ثم نعمل الملح ونبل بشوي ماء
ونعجن مليح ونحط في الكيس المبلل فكرة الوهرانية جزاها الله كل الخير
ونخليها تطلع او تخمر
ولما تطلع نعمل شوي زيت بمقدار مغرفة لكل قرصة او كسرة
نعجنها مليح حتى تتشرب الزيت ونقرصها ونضربها ونستعمل الفرينة باش ما تلصقش
ونغطيها ونخليها تزيد تخمر
وفي هاذ الوقت نكونو مشعلين الفور باقصى درجة وحاطين طاجين الطين يسخن
ولما تخمر الكسرة نلوحها في الطاجين
نغلق الفرن 5 دقائق ثم نقلبها
ثم نزيد نقلبها ونستعمل هاذ الاداة تساعدنا في التقليب
ونحوشيها على القاز عادي
ونتحصل على مطلوع عادي من غير ما نتحرق مع الطابونة
hان شاء الله تعجبكم الفكرة وتدعولي ربي يشفيلي وليدي ويطول في عمر
ملاحظة** طريقة الملح والزيت تعلمتها من الاخت لينا 11جزاها الله خيرا وشفاءا
وطريقة المطلوع في الفرن الاخت ام ابراهيم جزاها الله خيرا
وطريقة الكيس المبلب اكيد الوهرانية جزاها الله خيرا
اما طريقة الطاجين في الفرن من بنات افكاري جزاني الله خيرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وجزاك الله خيرا على حسن تدبيرك و جمعك لتجارب اخواتك واضفاء لمستك السحرية لاعطاءنا هذا الخبز اللذيذ يا فحلة
بارك الله فيك
__________________________________________________ __________
>>>> الرد الثاني :
تسلمي اختي ام طيري الجنة وبارك الله فيك على كلامك الجميل
شكرا
__________________________________________________ __________
>>>> الرد الثالث :
c extra merci
RABI yychafi wlidek
__________________________________________________ __________
>>>> الرد الرابع :
يعطيك الصحه حبيبتى صح مكانش قد المطلوع كي يطيب في الطاجين ويخلي هداك النقش وكنت من مده نحوس على هادي الطريقه وطريقه طيابو الف شكر حنونه بأذن الله نجربها لانو زوجي يحب بزاف المطلوع وكل يوم لازم يكون حاضر بقوة ربي يخليك لينا حنونه
__________________________________________________ __________
>>>> الرد الخامس :
يعطيك الصحة يا أم ساجد, هده فكرة رايعة , لازم نجربها الله يشفيلك وليدك و يخليهولك, ما معني غنجاية سكر ما فهمتهاش , هل تقصد بها
المغرف اي الملعقة.؟
و شككككككككككككككككرا
رد مع اقتباس
