عنوان الموضوع : شخشوخة الكسرة .. اذا مازال الحال بارد عندكم تفضلوا.. من مطبخي
مقدم من طرف منتديات العندليب


السلام عليكم
هذي اكلة تقليدية تندار خاصة في البرد وتشبع... وكل لاواحد كيفاش اسميها
بالشاوية وفي عرشنا اسموها " بازين " واخرين " الربوز " وبلا ما نطول تفضلوا





المقادير /
* حبة بصل * 04 سنينات ثوم * حبة طماطم * 1/2 مغرفة طماطم مصبرة
* شحمة قديمة (ما فيهاش ريحة بزاف ) * فلفل احمر يابس * زيت * ملح * توابل
* 02 بطاطا * كابويا وقرعة ( انا ما ستعملتهمش لانو ما حضروش )
الطريقة /
تسكرفجي البصل والطماطم وتهرسي الشحمة مع شوية ملح وثوم وفلفل احمر اليابس
وتحطيهم يتقلاو في شوية زيت امبعد تقصي الخضرة انتاعك بعد ما تنظفيها الى دوائر
ولا كيما بغيتي وتزيديهم مع الطماطم المصبرة وبعدها تمرقي وما ديريش بزاف الماء قيس ما طيب الخضرة انتاعك
وكي طيب حطي فلفلة خضرة فوقها باش تعطيلها النكهة
*** الكسرة عادي خبزيها بصح ما تبسسيهاش غير الماء والملح وكي تطيب هكاك سخونة هرسيها شوية وكملي فتتيها بيديك باش يكون الفتات متوسط
وسقيها بالمرقة اللي طابت مع شوية دهان ولا سمن وتزينيها بالبيض المشرشم وتاكليها بالفلفل الطرشي ولا البصل انتاع الشلوط ....طولت عليكم
سمحولي ان شاء الله تعجبكم وتجربوها

تحياتي للجميع



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذي نعرفها هنا في باتنة يسموها ام الرزايم يهرسوها بالمهراس

__________________________________________________ __________

>>>> الرد الثاني :

أول مرة نسمع بيها .حاجة مليحا راني نتعرف معاكم على أطباق تقليدية تاع بلادي يعطيك الصحة سلمت يداك و ان شاء الله نجربها علاش لالا.

شكرا مرة ثانية.

__________________________________________________ __________

>>>> الرد الثالث :

شحال نبغي الاطباف التقليدية كاش صحن

__________________________________________________ __________

>>>> الرد الرابع :

بصحتكم الله يشد لكل واحد في تقاليدو الغنية عن التعريف وشكرا

__________________________________________________ __________

>>>> الرد الخامس :

المشاركة الأصلية كتبت بواسطة أم ياسين الزهراء
هذي نعرفها هنا في باتنة يسموها ام الرزايم يهرسوها بالمهراس

خيار الناس اختي ام ياسين الزهراء .... انا ثاني من باتنة وراكي تعرفيها واسعة وتقاليد متنوعة ..... مشكوووورة
المشاركة الأصلية كتبت بواسطة hassain
أول مرة نسمع بيها .حاجة مليحا راني نتعرف معاكم على أطباق تقليدية تاع بلادي يعطيك الصحة سلمت يداك و ان شاء الله نجربها علاش لالا.

شكرا مرة ثانية.

ان شاء الله تجربيها وتعجبك ..... نورتي صفحتي بمرورك الطيب

المشاركة الأصلية كتبت بواسطة ام دودة
شحال نبغي الاطباف التقليدية كاش صحن

مرحبا بيك راهو الخير كاين ..... واذا خلص نزيدو ......مشكووورة

المشاركة الأصلية كتبت بواسطة ADRARI
بصحتكم الله يشد لكل واحد في تقاليدو الغنية عن التعريف وشكرا

اميييين .... الله يحفظك ويخليك نورتي

وهذي ليكم مني