عنوان الموضوع : ابحث عن وصفة شربة حمراء تكون بنينة. تاعي ما تعجبنيش طبخ جزائري
مقدم من طرف منتديات العندليب

السلام عليكم. ابحث عن وصفة شربة حمراء ( فريك ) تكون بنينةن تاعي ما تعجبنيش. ربما ما نعرفش مليح الخطوات .شكرا لكن أخواتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوربة افريك


__________________________________________________ __________

>>>> الرد الثاني :

السلام عليكم حبيبتي انا يقولولي الشربة فريك تاعك بنينة والله اعلم مانعرف يجاملو فيا ولا صح هههههههه المهم راح نقلك على طريقتيبسم الله حبة طماطم تكون متوسطة
بصلة صغيرة انا مانكثرش البصل لانو يصمط الشربة
4سنينات ثوم
ورقة رند
حشيش مقطفة غير العواد برك
عود قرفة صغير
ملح وتوابلوماتكثريش
تقطعي الطماطم والبصل والثوم مربعات كبار وتحطي التوابل والقرفة واللحم والزيت مغرف واحدة لانو اللحم راح يطلق الدسم ويجيك ميدم بزاف تحطي الحشيش اغصان مربوطين بخيط وتضيفي نصف كمية التوابل وتخلي الكل يتقلى على نار هااااااااااادئة كلما تقلى مليح كلما جاك بنين وتكوني مسخنة الماء الي راح تمرقي بيه تضيفيه وتقفلي عليها وكي تشوفي اللحم طاب نحيه وصفي المرق تاعك في صفاية تم رجعي اللحم والمرق وضيفي نصف كمية التوابل المتبقية وضيفي الفريك تاعك والطماطم المصبرة والفلفل الاخضر وخليها تطيب مدة 10 دقائق لين يطيب هاداك الفريك وتخثار المرقة ضيفي رونديلة قارص وشوية دبشة وشهية طيبة

__________________________________________________ __________

>>>> الرد الثالث :

السلام عليكم اختي هذه المقادير لاي شربة حمراء سواءا كانت فريك او فار ميسال
المقادير
حبة بصلة كبيرة مرابية اذا كان المقدار تاع القدرة كبير والعكس صحيح
حبة ثوم
لحم او دجاج واذا اردت اضافة اللحم المفروم على شكل كريات فلا مانع في ذلك
كزبرة (دبشة )
حبة طماطم مرحية +ملعقة من الطماطم المصبرة
ملعقة صغيرة كزبر مرحي
فلفل اسود +زنجبيل +راس الحانوت +ملح +زيت
طريقة التحضير :
ضعي كل هذه المقادير في القدر مع اضافة كاس ماء على نار هادئة حتى تذوب البصلة وامرقيها هذا هو سر نجاح الشربة
ارجو ان تجربيها وبصحة والعافية





__________________________________________________ __________

>>>> الرد الرابع :

هذه شربة امي ديرها هايلة وخاصة في شهر رمضان وراني نسيت راس حار بلا ماتحليه اذا كونت لاتحبي المرقة جيك حارة وشكرا

__________________________________________________ __________

>>>> الرد الخامس :

هذه هيا الشربة السطايفية