عنوان الموضوع : ادخلي وما تخمميش على غدوا طريقة جزائرية
مقدم من طرف منتديات العندليب

بسم الله
بما انه هذي اول مشاركه ليا وبصور حابه تعطوني رايكم اليوم كيما راني كاتبه في العنوان راح انهنيكم من غدا الغد وكذلك العشاء جربيهم وصدقيني حاجه هايله في زوج راني جايبه الاولى بطاطا كيكوت بشكل مختلف واكيد بنه غير والثانيه ارز على الطريقه الخليجيه واكيد اقتصادي
 اولا البطاطا
في كيكوت نضع الثوم المدقوق +اﻟﺰﻳﺖلبهارات+الفلفل الاسود+ملح +لحم الدجاج +2ورق الرند نقلي مليح +القليل من الماء نحرك +البطاطا ونقليها معاها غير شوي برك ونغلق الكيكوت ومانطولش باطياب لان البطاطا سرعان ما طيب لازم تبقا حاكمه روحها البطاطا في التقطاع تقطع اولا دوائر عريضه وكل دائره تقطع اصابع يعني بحال بطاطا فريت الا انو هاذي بالعرض اما التقديم كيما راهو باين ترونشات طماطم مقليين وفلفل حلو مقلي .اما الارز انشاء الله كيف نتلها انكملو






ثانيا الارز
نحظر مرق بيضاء بالحم الدجاج عادي و الحمص وغير تخثر اشوي نقفل عليها ونكونو وجدنا الارز من بعد ما طبخناه شوي وفورناه وانا انفضل الارز الني يعني ماشي لمفور انحط الارز ونحلو بالزبده ونزيدلو كل من البطاطا والجزر والجريوات يكونو مقطعين قطع متوسطة الحجم ومقليين في الزيت كل على حدى نخلطهم مع الارز ونفتتلو صدر الدجاج ونخلطه معاه نبدا نسقيها بالمرق ونقلب حتى نحصل عاى البنه لمليحه وما ننساش نعصرله القارص ونزينه كيما الصوره او حسب الرغبه .....يقدم لضيوف كطبق رئيسي حاجه صدقوني رووووووووووووووووعه وما تنسونيش بدعوة خير.






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ya3tik sa7a 3la wasafat

__________________________________________________ __________

>>>> الرد الثاني :

اووووووووووووو ماكلتك تشهييييييييييي
نموت على بطاطا والدجاج والروز تاني راني تسنى فالوصفة تاعو
شكراااااااااا

__________________________________________________ __________

>>>> الرد الثالث :

يعطيك الصحة وصفة مليحة وساهلة خاصة لخدمة كحالتي نجربها ردلك لخبر
مع اني منسعملش الكيكوت بزاف موسيو قولي راكي تلكيدي ههههههههه

__________________________________________________ __________

>>>> الرد الرابع :

choukran ala el wasfa wassli okhti

__________________________________________________ __________

>>>> الرد الخامس :

مشكورة اختي وبصحتكم