عنوان الموضوع : pizza بعجينتي السرية طريقة جزائرية
مقدم من طرف منتديات العندليب

مساء الخير عليكم

نتمنى تكونوا بالف خير ان شاء الله

حبيت ليوم نشاركم ببيتزا تاعي الخاصة و نتمنى تعجبكم و تجربها و تقولولي رايكم فيها

نبدا بسم الله

بيضة كاملة تخبطيها بالشوكة ضيفلها
كاس حليب مغلي و دافئ خلطيهم و ضيفلها
نصف كاس زيت خلطي شوية و نيدلهم
مغرفة كبير سكر عادي خلطي و ضيفلها
خميرة اخبز مغرفة كبيرة و مغرفة صغيرة خميرة كيميائية باش ليه ليه تطلعلك
ثم شيحي بالفرينة مضاف اليها الملح
حتى تتحصلي على عجينة طرية تلصق شوي باليد كي تلميها زيدها شوية زيت الزيتون و عودي لمهيا و حطيها تخمر

من بعد ما تخمر سجي بلاطوات نتاعك رشي شوي فرينة
اطرحي العجينة مع شوية برك فرينة و حطيها في البلاطو
ارحي عليها الفرماج النوع المخصص للبيتزا و لا المتوفر عندك
حطي صلصة الطماطم و زينها بالمتوفر عندك
كي طيب و تجبديها زيدي ارحي عليها الفرماج و خليها 5 دقايق و قدميها و شهية طيبة


بصحتكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممم تشهي ام سراج الدين
فعلا يعطيك الف صحة وعافية
مانوع الفورماج اللي استعملتيه

__________________________________________________ __________

>>>> الرد الثاني :

شكرا ليك عزيزتي

انا كنت ديما نخدمها بالفرماج روج

بصح الخطرة هادي جابلي زوجي نوع فرماج مخصص للبيتزا بصح اسم والله ما عرفته مكتوب فقك ع الغلاف جبن مخصص للبيتزا

كي جربته لقيتوا هايل

ان شاء الله كي نزيد نشريه نحط صورته

شكرا لحضورك الطيب

اخر صورة زدتلها الكيتشاب ع طريقتك و كليتها هههههههههه هايلة

__________________________________________________ __________

>>>> الرد الثالث :

شكرا لك و جزاك الله خيرا
يعطيك الصحة اختي الغالية

__________________________________________________ __________

>>>> الرد الرابع :

بارك الله فيك أختي

__________________________________________________ __________

>>>> الرد الخامس :

يعطيك الصحة