معقودة من مطبخي طبق جزائري
عنوان الموضوع : معقودة من مطبخي طبق جزائري
مقدم من طرف منتديات العندليب
بسم الله الرحمن الرحيم
أهلا أخواتي أنشاء الله تكونو لابأس اليوم رجعت بعد غياب عن المنتدى وجبتلكم طبق المعقودة مع الجلبانة مع أنا كرهت الجلبانة بالصلصة البيضاء
على هاذي قلت نبدل شوي ونديرها مع المعقودة محشية طبق لذيييييييذ ونتمنى تجربوه
1/ جيبي 3 حبات بطاطا كبار أغسليهم مليييح وقطعيهم قطع شوي صغيرة وغليها في الماء + ملعقة صغيرة ملح مع 2 بيضات كيما في الصورة
2/ بالنسبة لصوص الجلبانة
7 فصوص ثوم + ملعقة ص ملح + م ص فلفل أسود+ م ص مودارد 2 م ص عصير ليمون هاذو نهرسهم بالمهراس ملييح كيما في الصورة
3/ نحط في الكوكوط ملعقة كبيرة مارغارين ونحط عليها خليط الثوم مع تحريكها مرتين
الان حطي 500 غ جلبانة وزيدي شوي ماء قيس ما تتغطى الجلبانة كيما في الصورة وخليها كي تبدأ تغلي شوي أغلقي الكوكوط لنصف ساعة يعني كي طيب الجلبانة
بعد ما طيب أضيفي حبة طماطم متوسطة مرحية مع شوي هريسة أذا تحبي الحار + م ك طماطم مصبرة
واذا حبيتي تضيفي لحم مفروم ديري شوي أنا مكترتش مع شوي ملح وكمون وديريهم كويرات وحطيهم مع الطماطم يطيبو نصف ساعة
الآن بعدما طيب البطاطا قشريها وامعسيها ملييح حتى تولي ملساء وضيفيلها م ص ملح+ م ص فلفل أسود + بيض باش تتلم البطاطا ومعدنوس اذا تحبي وخلطيها
وللحشوة 2 بيضات مغليين ومبروشين + 2 مثلثات فرماج + زيتون مقطع قطع صغار
نأخذ كمية من البطاطا ونحط في وسطها الحشو ونغلقها باحكام ونعملها صبيعات كيما في الصورة
نوجد بيضة مخفوقة بالشوكة مع شوي ملح + فرينة + شابلور
ناخذ كل حبة نمررها في الفرينة والبيض والشابلير وكي نخلصو كامل الحبات نحطوهم في الثلاجة لنصف ساعة تقريبا وكي نخرجهم نقليهم مايتولوش في القلي لأن كلش طايب
في الاخير تكون الجلبانة جاهزة والمعقودة جاهزة الآن نجهزو الطبق
انشاء الله تكون عجبتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما شاء الله أختي طبق يشهي و أعجبني طبخك كثيرا يعطيك الصحة خاصة هذاك الفلوس لي راه يطل هههههههههههه
__________________________________________________ __________
>>>> الرد الثاني :
شكرا لك اختي اتشهي
__________________________________________________ __________
>>>> الرد الثالث :
يعطيك الصحة حنونة
__________________________________________________ __________
>>>> الرد الرابع :
عند ما نقول أختي بصح راك دائماً 444444444طبق يشتهي
__________________________________________________ __________
>>>> الرد الخامس :
يعطيكم الصحة وبارك الله فيكم
رد مع اقتباس
