بريوش بالسبانخ طبخ جزائري
عنوان الموضوع : بريوش بالسبانخ طبخ جزائري
مقدم من طرف منتديات العندليب
المقادير
مقادير البريوش
*500غ فرينة
*1ملعقة كبيرة خميرة الخبز
*1ملعقة كبيرة سكر
*1حبة بيض
*ملح حسب الرغبة
*نص باكي خميرة كيمائية levure chimique
*فنجال زيت
*فنجال حليب
2فناجل ماء
مقادير الحشو
*ربطة سلق
*3فصوص ثوم
*ملح و فلفل اسود
*شوية زبدة و زيت
*جبن ابيض
طريقة التحضبر
نخلط كل المواد الجافة من بعد نزيد البيض و الماء و الحليب يكونو دافيين و نعجن مليح
ايدا خص الماء زيدو شوية
كي تنطم العجينة خليوها تخمر
في وقت لي تكون تخمر طيبو السلق
في مقلات ديري ملعقة صغيرة زبدة+ملعقة كبيرة زيت و السلق +الثوم+الملح و الفلل اسود خليهم يطيبو بلخف لمدة 15 دقيقة و لا كل وحدى كيفاش طيب السلق كي يطيب ديري الجبن الابيض و خلطيه مع السلق
طريقة التشكيل
كي تخمر حلي العجينة و قطعي دوائر
من بعد تطلي كل دائرة بالسلق
من قبل تكوني موجدى مول تع الكيك تدهنيه بالزبدة من بعد ديري الفرينة
من بعد تغلقي كل دائرة لي مطلية بالسلق تطويها كي الكوكة
من بعد توقفيها في المول
ديري حبة قدام حبة لسقيهم مليح
حتى يتعمر المول
و خليوها تخمر
كي تخمر اطليها بزيت الزيتون لي ماتحبش زيت الزيتون دير زيت العادية
دخلوها للفرن يكون سخون مسبقا طيب في درجة حرارة متوسطة لمدة 15/30 دقيقة كي يحمار
كي تقطعيه يجي كي السندويش هادا مليح للاطفال يديوه معاهم لمجة
كي يتقطع يجي شباب
ملاحضة
تقدرو ديرو اي حشو اخر مثلا لحم مفروم. جبن. دجاج و.................الخ
و تقدرو ديرو حلو تزيدو كمية السكر في العجينة و تحشيه بالمعجون او شيكولا او...................الخ
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يبان يشهي ماشاءالله كمليلنا الوصفة من فضلك
__________________________________________________ __________
>>>> الرد الثاني :
ماشاء الله والله وصفه راءعة ننتظر طريقة التحضير
والصور روووووووعه وتقولي من كتاب طبخ يعطيك الصحه
__________________________________________________ __________
>>>> الرد الثالث :
رووووووووووعة قبل ما نشوف طريقة التحضير يسلموفلة يعطيك الصحة
__________________________________________________ __________
>>>> الرد الرابع :
مبدعة كعادتك...في انتظار الوصفة ....بارك الله فيك
__________________________________________________ __________
>>>> الرد الخامس :
يهبل اختي فلة ربي يعطيك ما تتمني نموت على السلق حطي الطريقة من فضلك
رد مع اقتباس
