الرافيولي من مطبخك!!!,,,مع أم كوثر طبخ جزائري
عنوان الموضوع : الرافيولي من مطبخك!!!,,,مع أم كوثر طبخ جزائري
مقدم من طرف منتديات العندليب
السلام عليكم ورحمة الله وبركاته
الرافيولي
من اجود واغلى انواع المعجنات
وغير متوفر في بعض المناطق
لما لا تكون تجربة ونديروه في مطبخنا
ولا اسهل منه
المقادير
300 غ فرينة
من 2 الى 3 بيضات
مغرف صغيرة ملح
الطريقة
نحط الملح والفرينة ونلمها بالبيض وندلكها مليح ونخليها ترتاح ربع ساعة
نحلها رقيقة ونحشيها والباقي موضح بالصور
هنا منضغطش مليح بالطابع نحدد المكان فقط
الحشو جبن ابيض ومغرف زبدة ووسنة توم مرابية وملح وفلفل اسود ومعدنوس كلهم في ميكسور
باقي العجينة عملت منها الرشتة اسهل من التقليدية
نحلها بالمشينة على الرقم قبل الاخير
ونفوتها في جهة الرشتة الخشينة ونرشها بفرينة ونخليها ربع ساعة ونغليها في ماء وملح وتكون واجدة
اللي معندهاش مشينة تحلها رقيقة وتروليها وتقطعها تعطيها نفس النتيجة
لاصوص
سنة توم نقليها في شوية زيت ونضيف لحم مفروم كي يبدة يطيب نضيف فلفل اسودوملحوطماطم مصبرة ونمرق بكاس ماء حتى يطيب
ماء يغلي وملح وقطعة زبدة ونرمي فيه الحبات ونحسب ربع ساعة ونصفيهم ونغلي بنفس الطريقة الرشتة
نسخن خليط اللحم المرحي ونرمي فيه الرافيولي يغلي شوية حتى يكملوا طياب
وامممممممممممممم الدوق صدقوني رهييييب
هدي لابات اغتيزانال ونديرو منها شحال منع مقرونة ان شاء الله مع الوقت نتعلموهم مع بعض
اتمنى يكون الموضوع افادكم
سلامي اخواتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا اختي على الوصفة وهدا المجهود الي تقومي بيه وراكي فعلا افدتينا
__________________________________________________ __________
>>>> الرد الثاني :
روعة ام كوثر يعطيك الصحة قوليلى الرافيولى كى تلوحيه فى الما ميتفتحوش
__________________________________________________ __________
>>>> الرد الثالث :
اممممممممممممممم روعة يعطيك الصحة يا اختي لانك فعلا مبدعة ربي يحفظلك ولادك وعائلتك
__________________________________________________ __________
>>>> الرد الرابع :
باين فيها بنينة يعطيك الصحة شاطرة
في انتضار الجديد الي تعودناه منك ام كوثر
__________________________________________________ __________
>>>> الرد الخامس :
وووووووووووووواااااااااااااااااااااااو اكثر من راااااائع
سلمت يداك ويعطيك الصحة
سخفتيني امممممممممم
رد مع اقتباس
