عنوان الموضوع : لذيذ..فلفل حلو محشي طبخ جزائري
مقدم من طرف منتديات العندليب

اليوم جبتلكم وصفة من وصفات الجدات وهي فلفل حلو محشي بالكفتة تاع اللحم البقري لكن أنا درتها بالدجاج وهي تطيب في الكوكوط مدة 15 دقيقة وانا طيبتها في الطنجرة لأن الكوكوط كنت دايرا فيها الشربة تطيب على جال الحمص اولادي يحبوه طايب مثل الزبدة .


إليك يا أختي الكيفية:


خدي صدر دجاج أو أكثر حسب أفراد العائلة و ضيفي له ملح+فلفل أسود+سكنجبير+قرفة+بصل+ثوم+معدنوس+بيضة واحدة+3م ك خبز يابس مرحي شابيلورثم ارحي الكل مع بعض. من جهة أخرى خدي كمية من الفلفل الحلو شويه و نقيه وخدي حبات طماطم متوسطين فتحيهم من الفوق وديريلهم شوية سكر في كل حبة ثم بداي تحشي لفلفل و الطماطم بكويرات الكفتة.


خدي طنجرة أو الكوكوط و ديري فيها شوية زيت +ملح+فلفل أسود+فلفل أحمر+كركب أي خرقوم+ثوم+ عود قرفة +2 م ص سكر+ نصف م ص هريسة إلي يحب الحار+ 1 م ك طماطم مصبرة+ نصف كأس ماء أو أقل منه حسب عدد حبات الطماطم لأنها هي لي تطلق الماء و حطيها على النار تغلي شوية بداي تستفي في الفلفل و الطماطم المحشيين و خليها تطيب حتى تنشف مليح من المرق.

أنا ما خليتهاش تنشف بزاف اولادي كانوا مقلقين باش يفطروا. بالصحة و العافية.































شوفو وليدي الصغير ما يحبش الفلفل فطوره شربة وأسكالوب تاع الدجاج













>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

bayn bnin ya3tik saha chahitini bach ndiro

__________________________________________________ __________

>>>> الرد الثاني :

يعطيك الصحة مممممممممم يشهي

__________________________________________________ __________

>>>> الرد الثالث :

اممممممممممممممممممممممممم روعة يعطيك الصحة

__________________________________________________ __________

>>>> الرد الرابع :

يسلم هاذوك اليدين الله يبارك باينة بنينة. يعطيك الصحة,

__________________________________________________ __________

>>>> الرد الخامس :

مممم روعــــــة

شكرا على الوصفة الله يعطيـك الصــحة حــــبيـبة