عنوان الموضوع : اسهل بيتزا مرقاز من صنع يدي من مطبخي
مقدم من طرف منتديات العندليب

السلام عليكم
اليوم ما صبت ماندير وجات في خاطري البيتزا مين موالفة نديرها وشاطرة فيها
صنعتها وصورتها باش نوريهالكم اذا عجبت نحطلكم الوصفة وديرولي تقييم




الطريقة مع الشرح
في 1 ك فرينة + مغرف اكل حليب غبرة + 1 ملعقة اكل خميرة خبز +الملح قد ما تحبو + ملعقة اكل متوسطة سكر+ 3 ملاعق اكل زيت الزيتون او زيت عادي +الماء حتى تتعجن (ما تكونش قاسحة وماتكونش جارية )رية برك
كي تخمر نزليها بشوية بيديك ورجعيها تخمر للمرة التانية وهي على شكل كويرات حسب افراد
وفي نفس الوقت حضري الصوص
الطريقة مع الشرح ==
حبة بصل متوسطة قطع كبيرة+ 2 فص ثوم + 1 حبة طماطم كبيرة قطع + القليل من الزيت + 2 ملاعق اكل معجون الطماطم+ نصف حبة فلفل اخضر قطع + الملح + القليل جدا من اكليل الجبل مع القليل من الزعتر مع القليل من الريحان ) مرحيين شوية بيديك + ورقة رند + القليل من الماء حوالي نص كوب + نترك الخليط على النار مدة 10 د حتى يغلي مليح نزعي ورقة الرند وطحني الكل في الخلاط حتى تتحصلي على صوص رجعيها للفرن وخليها تغلي شوي وطفي انا ديما نضيف رشة شكر باش ننزع الحموضية نتاع الطماطم (امر اختياري)
سخني الفرن قبل لازم يكون سخوووووووووون ومن الفوق ومن التحت و ادا عندك صين قديم حاولي تديري فيه الرمل والاسمنت والماء طبعا وخليه ييبس مليح وخليه لطياب نتاع البيتزا
بعد التكون الخبز خمرو للمرة الثانية شكليهم بيديك

سمك رقيق وحطي فيهم الصوص و قطع المارقاز المقلية قطع صغيرة والزيتون المفيض والمقطع والجبن المرحي والفلفل مقطع قطع صغيرة جدا و تونة
وارميها في الفرن مدة 5 د فقط ونزعيها
انا ناكلها مع المايوناز



ان شاء الله تجربوها
وادعولي ربي يسر اموري ويرزقني بالزوج الصالح انا وا ختي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممم تشهي
واليوم راني شاهيه البيتزا ا
يعطيك الصحه. ممكن الوصفه

__________________________________________________ __________

>>>> الرد الثاني :

يعطيك الصحة تشهي

__________________________________________________ __________

>>>> الرد الثالث :

بارك الله فيك وشكراااااااااااااااااااااااااااااااااا

__________________________________________________ __________

>>>> الرد الرابع :

يم يم رووووعة يعطيك الصحة اكييييد حطي الوصفة و لكي أحلى تقيييم من ضرك

__________________________________________________ __________

>>>> الرد الخامس :

مممم روعــــــة

الله يعطيـك الصــحة حــــبيـبة