عنوان الموضوع : تفضلوا دجاج محمر فالفرن 2 من مطبخ ليزابال المطبخ الجزائري
مقدم من طرف منتديات العندليب





مرحبا بكن حبيباتي في موضوع جديد و طريقة اخرى من طرقي في تحضير الدجاج محمر فالفرن ممممم هههه
بدون إطالة هاهي المقادير
دجاجة منقية و مغسولة مليييح طبعا بالماء و الخل
بصلة متوسطة رابي
اربع فصوص ثوم رابي
شوية معدنوس مقطع رقيق
ملح فلفل اسود كمون راس الحانوت سكنجبير
أوراق رند
زيت الزيتون أو زيت عادي
خمس فصوص ثوم صحاح
قليل من الماء
نأتي الى الطريقة
أولا نحضر الحشو ندير في صحن عميق البصلة رابي و الثوم رابي و ملح ،ربع م ص فلفل اسود ، نص م ص كمون و المعدنوس المقطع و نخلط مليح و نخليه بجهة



نوجد التتبيلة بخلط م ص مملوءة ملح نص م ص فلفل اسود نص م ص سكنجبير م ص كمون م ص راس الحانوت اربع م ك زيت الزيتون أو زيت عادي و نخلط ملييييح و نتبل الدجاجة من الداخل و الخارج من كل النواحي


نفتح الدجاجة من جهة الفخذين بالأصبع بين الجلد و اللحم كما هو موضح في الصور و نأخذ شوية من الحشو نحشي بيه فالفتحة لي عملناها و نفتح أيضاً في منطقة الصدر بالأصبع من الجهتين كما في الصور و نحشي بالحشو و طبعا نحشيها داخل البطن بباقي الخليط و نحط معاه فصوص الثوم الصحاح و ورقات رند و نخلي ورقتين أو ثلاثة بجهة









نحط الدجاجة في صينية الفرن على جهة البطن و نكون ربطتلهاا رجليها مع بعض بخيط باش تبقى ملمومة فالطياب ونسقي بجنبها بزوج كيسان ماء و نرمي معاها الرند لي بقى




نغطي بورق الألمنيوم طبعا نقدر نستعمل كيس الشواء و ندخل لفرن سااااااخن من قبل على 220 درجة و نخليها تطيب مدة ساعة ونصف حتى لزوج سوايع بلا ما ننسى نسقيها بالصلصة تاعها مرة على مرة ومين نشوفها تحمرت من فوق نقلبها على الجهة الأخرى غير بالشوية باش تحافظ على شكلها و نخليها تزيد تطيب و تتحمر مليح
و النتيجة عندك دجاج محمر فالفرن و لذييييييذ كيييييما يبغيه الخاطر مممممممم



نتمنى تجربو الوصفة حبيباتي لانها فعلا رااااءعة انا نديرها من بكري و ما نستغنااااش عليها
راني كثرت الصور باش تكون الطريقة مفهومة مليييييح بصح راهم خرجو ملخبطيييين و النت راهي ثقييييييلة عجزت نعاود نحملهم ههه
و في الأخير أتمنى ان تعجبكم وصفتي اللذيذة و الى اللقاء في موضوع آخر بإذن المولى عز وجل
و طبعا دعوة خيييير بزااااف عليا






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تشهي يعطيك الصحة اختى

__________________________________________________ __________

>>>> الرد الثاني :

اكيد راح تعجبنا وصفتك اللذيذة ليزابيل الغالية وكل وصفاتك رائعة

__________________________________________________ __________

>>>> الرد الثالث :

وصفاتك كلها رائعة بلا نقاش ربي يخليك لينا يارب


__________________________________________________ __________

>>>> الرد الرابع :

الله يبارك ليزابال راكي محترفة في طبخ الدجاج ممممم
كيما تقول إلهام الله يذكرها بالخير مادابيك تبعثيهالي من تحت الطابلة لامن شاف لامن درى هههههه
و تشجيعا لكي الموضوع للتثبيت حتى يطلع عليه أكبر عدد من الأخوات

__________________________________________________ __________

>>>> الرد الخامس :

امممممممممممممممممممممم تشهييي يعطيك الصحة حبوبة ليزابال