عنوان الموضوع : بعد غياب طويل جبتلكم الكبدة المشرملة
مقدم من طرف منتديات العندليب


بعد غياب طويل جبتلكم الكبدة المشرملة
مقادير

الكبدة انا جبتلكم كمية صغيرة وانت الي عندك ديريها نص رطل كبدة تاع الغنمي و6سنات ثوم مغرفة صغيرة ملح مغرفة صغيرة كمون ومغرفة صغيرة كروية مغرفة كبيرة طوماطيش مصبرة
2حبات طماطم حب مرحيين وشوية زيت









طريقة التحضير

انحط الكل في الطنيجرة وانخليهم يتقلاو كيما في الصور وكي يتقلاو انحط قيس كاس ماء وانخليه
يطيبو كي تعقد المرقة خليها بجيه
الكبدة انقطع الكبدة مربعات صغار وانقليهم في شوية زيت غير قيس مايدو لون ماطيبيهمش راني نوصي فيك قيس ماتدي لون بزوج جوايه ونحيها من المقلة
امبعد ارميها في المرقة تكون فةق النار قيس ماتغلي غلية وحدة وخلاص الكبدة عمرها ماتخليها اطيب بزاف ايلا طابت بزاف غير ارمي الكبدة علاخاطرش رايحة الكبدة تيبس والكبدة مالزمش اطيب بزاف وان شاء الله قدرت انفهمكم مليح





تحياتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممممممممم تهبل تهبل غاليتي
سلمت يداك و بارك الله فيك على الوصفة

__________________________________________________ __________

>>>> الرد الثاني :

اممممممم يعطيك الصحة ام رحاب على الوصفة لي تشهي لازم نشري الكبدة و نسيها تبان بنييينة

__________________________________________________ __________

>>>> الرد الثالث :

يعطيك الصحة اختي ام رحاب شهيتيني ربي يحفظك
وربي يسشفيك ويعافيك شفاءا لا يغادر سقما
كيف صرت اليوم ان شاء الله بخير

__________________________________________________ __________

>>>> الرد الرابع :

أممممممممممممم هايلة شكرا

__________________________________________________ __________

>>>> الرد الخامس :

chahitina ya3tik saha