عنوان الموضوع : carré d'agneau désossé et farci ******* طريقة جديدة لطهو أضلعة الخروف بمناسبة العيد الأضحى طبق جزائري
مقدم من طرف منتديات العندليب


السلام عليكم و رحمة الله تعالى و بركاته
بعد طول غياب جيت وجبت معايا جديد عيد الأضحى

أولا نديزوسي أضلع الخروف بحذر و بلا ما نقطع اللحم يعني لازم يبقى قطعة واحدة
و نخليو جزء منو لاصق في العظم تابعو الصور و سامحوني مقدرتش نصور كل الخطوات













نتبل اللحم بالخلطة لي معتمدينها أنا درت ملح فلفل و شوية موطارد
نحشيه باللحم المفروم المتبل أنا أضفت له روز فايض









نحشي ضلع الخروف و نخيطه مليح

في كوكوط ندير شوية دهان و شوية زيت و نقلي اللحم مليح و نضيفله حبة بصل متوسطة بلا ما نقطعها نرميها حبة كاملة و نرمي تاني 2 حبات طماطم كاملين بدون تقطيع و نضيف ثوم مقطع وملح و فلفل وشوية كمون و نقفل الكوكوط و نقصلها النار ديراكت ما ننتظرش حتى تصفر الكوكوط لازم طيب على هواها وفي البخار فقط لخاطر مرحش نسقيها بالماء لازم طيب بالبخار فقط و في العصير لي رح يطلقو البصل و الطماطم



كي طيب نقطعه دوائر سواء بغيتي تخلي العظم أو تنزعيه كيما درت أنا





و ها هو واجد














>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ماشاء الله بسملة طبق في المستوى بارك الله فيك

__________________________________________________ __________

>>>> الرد الثاني :

اممممممممممممممممممممممممممم
روعة ماشاء الله
صح عيدك حبيبتي كل عام والعائلة بخير
لاه يعني بسملة خليتينا تميناه وجبت هاذ الوصفة الرائعة والمشهية هههههههههههه

__________________________________________________ __________

>>>> الرد الثالث :

شكرا أم ماجد و دائمة الحمد صح عيدكم و نورتوني

__________________________________________________ __________

>>>> الرد الرابع :

روعة يعطيك الصحة وصح عيدك وكل عام وانت بخير

__________________________________________________ __________

>>>> الرد الخامس :

امممممم طبق هاااااايل يسلمووووووووو