عنوان الموضوع : دولمة كرم عصرية من مطبخي طبق جزائري
مقدم من طرف منتديات العندليب

السلام عليكم اخواتي العزيزات .حبيت اليوم نقدملكم كرم من مطبخي نتمنى يعجبكم وتتفاعلو معي..
نبداو بسم الله.المقادير للمرقة البيضاء
طراف تاع الدجاج _ بصلة متوسطة الحجم _حبة طماطم _ملح _ فلفل اسود قرفة_ مغرفة صغيرة زنجبيل _مغرفة كبيرة سمن اوزيت_ .زيتون اخضر
ديري المرقة الطيب كيما تعرفي وكثري اللاصوص باش الطيبي بيها الكرم في الكوشى..


ومبعد خلي المرقة طيب وروحي للكرم
راس كرم تقطعيه رقيق و ديريه يغلي في الماء حتى يطيب ومبعد صفيه في الكسكاس وعصريه مليح مليح مليح مليح .


ومبعد وجدي الصدر الدجاج مرحي وادا توفر عندك اللحم مرحي ديريه .نص بصلة مقطعة صغيرة معدنووس مقطع رقيق وتحطي الكرم المعصور معهم وديري 2حبات بيض فلفل اكحل قرفة ملح وخلطيهم بيديك مليح وشكلي كريات وديري في وسطهم فرماج وحطيهم في السنيوة ودخليها في الكوشا بلا لاصوص لمدة عشر دقائق وديرلها لاصوص وخليها حتا تطيب مليح خلي شوي لاصوص في الكوكوطة تعقد مليح وقديميها معاها.







لاتبخلوا حبيباتي عليا بالردود ولي ماهيش قدرة تكتب تضغط على ايقونة الشكر اذا عجبها الموضوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ممممم طريقة جديدة باينة تشهي يعطيك الصحة
للتثبيت لتعم الفائدة

__________________________________________________ __________

>>>> الرد الثاني :

يعطيك الصحة اختي وصفة 44444444444444

__________________________________________________ __________

>>>> الرد الثالث :

ya3tik saha malgres manhbesh krombe mais tabanli hadhi la recette bnina

__________________________________________________ __________

>>>> الرد الرابع :

444444444444 تان بنينة يعطيك الصحة نجربوها ان شاء الله

__________________________________________________ __________

>>>> الرد الخامس :

وصفة جديدة نغيرو شوية في الكرم مشكورة ام رحاب