بسبوسة بالفرينة قاطو جديد
عنوان الموضوع : بسبوسة بالفرينة قاطو جديد
مقدم من طرف منتديات العندليب
البارح رحت نصنع بسبوسة صبت التشيشة متكفيش فتشت فلاجوندا تاعي صبت هذي البسبوسة لاروسات من عند ختي ميمي و هذيك الكمية تاع التشيشة درتلي بسبوسة هايلة إليكم المقادير :
كأس زيت + كأس سكر + نصف كأس تشيشة + كأس فرينة + 4 حبات بيض + باكي خمارة الحلوى + فانيلا + عسل
ضربي البيض و السكر مليح ثم الزيت و زيدي ضربي
بعدها بيدك كبي التشيشة و خلطي
ثم الفرينة و الخمارة و الفانيلا
إدهني المول تاعك و فرغي الخليط و ديريه إطيب بعد ما كنت سخنتي الكوشة مليح
غير تخرجيها عسليها بعسل بارد (عسل أم قادة جزاها الله كل خير)
أيا مدو يديكم و بصحتكم هههه نشالله تعجبكم و متنساوش ختكم بدعوة لوجه الله
(هذي راني زدتها ضوكا عيطت لأختي و قلتلها قاع عجبتهم بسبوستك قاتلي قوليلهم يقدرو إزيدو 2 ملاعق مايزينة تجي خفيفة و تذوب فالفم)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا الأولى
معليش ناكل؟
الفرينة و لا التشيشة؟
__________________________________________________ __________
>>>> الرد الثاني :
باينة بنينة
يعطيك الصحة
شحال الفرينة
__________________________________________________ __________
>>>> الرد الثالث :
emmmmmmmmmmmm y3etik essaha tchahi
__________________________________________________ __________
>>>> الرد الرابع :
يعطيك الصحة يا ام لميس خرجتلك تحفة
التشيشة هي السميد الرقيق و لا واش ؟
__________________________________________________ __________
>>>> الرد الخامس :
السهل و المهل و ذا الزين مين طل من الصحرا و لا من التل يا عمري على العسل لي راكي تحطي فيه يا ام العسل......الله يبارك ما شاء الله راكي مقلشتيهم بصحتهم.....يعطيك الف صحة و الله يحفظلك هذوك الايدين يا الحنونة................
رد مع اقتباس
