عنوان الموضوع : كــــــــيكـــــــة التــــفـــــاح بالخــــل لديــــــــــــدة بزاف حلويات جديدة
مقدم من طرف منتديات العندليب

السلام عليكم اخواتي
اوا ختكم عاشقة الكيك و هاد الكيك مجرب اكتر من مرة انا معزيزش عليا التفاح الا فالطارط و فالكيك و هاد الكيكة بالدات كنعشقها و ليوم جاو الضياف وو حلت معنديش دانون و قلت نديرها والي جربتها غتولي مدمنة عليها و غادية تدعي معايا مقاديرها بسيطة و غير مكلفة تماما و بحرا نتفاكو مع مصاريف العيد ههه
المقادير





4 بيضات
كأس سكر
نصف كأس زيت
كأس ونصف دقيق
3 خمرات حمرين الزا
1 قاني
3 معالق كبار خل
2 تفاحات
لوز ايفيلي للتزيين



لعبار بنفس الكاس لي فالصورة بحال د العنبة

اوا الطريقة باينة و كيف العادة
ضربي البيض و السكر والزيت و لافاني و الخل مزيان فمولنكس



من بعد ضيفي لهم الطحين مخلط مع الخمارات و خلطي مزيان


نقي التفاح و قطعيه طريفات شوية كبار و لكن رقاق فالسمك باش يدخلهم
الطياب و تخلطيه مع الكيك بمعلقة من تحت الفوق


و تصبيه فمول دائري مدهون و مرشوش


و دخليها الفران يكون سخون تطيب غ من تحت على عافية مهيلة بزاف منين تقلبيها بسكين و طيب نزليها تحمر الوجه غ شوية و خرجيها

هداك التفح مكيبقاش حسو كيدوب كيولي عبارة عن كريم لديد و لي داقها كيحسبليه دابرة شي كريم معاها كتجي مفشفشة ورطبة و هشييييييشة مع الخل كيدوب داك التفاح

الي جربتها ترد عليا انا دهنتها بالعسل و زوقتها بلوز ايفيلي ممكن تخليها بلاش او تزوقيها على دوقك


اوا ضياف ماما مامشاو حتا داو المقادير و نتوما ههههه


اوا لي دخلات تاخد طريف تدوق و تعطيني رايها

منقووووووووووووووووووووووووووووووووووووووووووووووو وووووووووووووووووووووووول


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تبان هايلة يعطيك الصحة

__________________________________________________ __________

>>>> الرد الثاني :

الله يبارك شكرا اختي

__________________________________________________ __________

>>>> الرد الثالث :



__________________________________________________ __________

>>>> الرد الرابع :

يعططيك الصحة هايل

__________________________________________________ __________

>>>> الرد الخامس :

يعطيك الف صحة تبان هايللللللللللللللللللللللللللللللللللللللللللللللل للللللة