عنوان الموضوع : لمتعاقدي عين الدفلى قفط للأساتذة
مقدم من طرف منتديات العندليب

السلام عليكم ورحمة الله تعالى وبركاته
سمحولي حبيت نسقسي برك على المكتب الولائ تاع عين الدفلى
حبيت نسال على ذاك لي يسموه شمس الدين
يرحم والديكم قولولي علاش ماراهش يرفد التيليفون ديالو
هذا برك ريئس المكتب الولائ للاساتذة المتعاقيدين فقط
اما اذا كان مير ولا شاف ديرة ولا والي واش ره يدير
جابلي ربي راح يفت التيلفون ويقول تفوووووووووووو لاش ركم تعيطولي.,’؟
الحمد الله ماجاش حية كبيرة
وهدي توريلكم للجاية باش تعرفو ترشحو الناس لي يمثلوكم
اسمعو
انا الحمد الله علا باي وين نسقسي وكي نحب نعرف حاجة في المديرية عندي حبابي ولكن راني نخمم في الناس لي ماعندهاش معارف
اوافيكم بالمعلومة لي عندي
اتصل امس باحد الاصدقاء وقلي بلي الاحد لي فاة جابو الموافقة النهائية من الوزارة وان شاء الله تبدا عملية تقسيم التعينات خلال مدة اقصاها اسبوعين
اما بالنسبة للاساتذة الثانوي علمت انه يوجد 25 استاذ لا يمكن ادماجهم هذه السنة نضرا لعدم توفر مناصبهم فيما يتم ادماج ما اسفرت علية قائمة الاساتدة المدمجين في الثانوي
معلومة اخري
اشيع انة حوالي 5 ملاين راهي عند التريزور اريد ان اعلمكم ان الحبر خالي من الصحة ما يوجد الان في الشاك ديالك هو الدراهم تاع الحراسة فقط والمقدرة خسب عدد ايام الحراسة
ارجو ان اكون قد افدت بما عندي
ولا تلوموني ذكرت احدا بسوء



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
شمس الدين لا يرد على أي أحد لسبب واحد و وحيد أنه لم يقبل في الإدماج لأنه لم يعمل قبل 28 مارس و تعيينه كان بداية أفريل ، و هو الأن مع القائمة يسعى فلربما كان منصب من نصيبه، أما بخصوص القائمة النهائية فكلامك صحيح و للإضافة القائمة النهائية كانت بعد دراسة الطعون و قد تم إضافة إسمين قبلت طعونهم، يعني من كان في القائمة الأولية بقي إسمه.
بخصوص الأجر لا جديد سوى كلام رئيس مصلحة الوراتب أنها عن قريب .

المؤسف في ناس عين الدفلى أنهم لم يقوموا بأي إحتجاج و الكل يتكل على الأخرين،و بالتالي تستهلوا واش يصرالكم و إن شاء الله يشربوا لكم المرار بخصوص التعيينات و الأجور

لاني كرهت من شعب قاعد غي يهدرو وقت الصح والله ماكان والو ، و جربناكم شعال من مرة

=========


>>>> الرد الثاني :

السلام عليكم
عندكم الحق الاخ gladiator44 و الاخ mekhaneg بارك الله فيكما
لعل بكلامكما هدا يستيقظ ضمير هؤلاء اللذين مزالو ينتظرون نزول حقوقهم من السماء
لقد كنت في اتصالات معكما خلال الاعتصام و انا مستعد لاي خطوة من اجل الافتكاك بحقنا ان شاء الله
شكرا اساتدتنا الكرام

=========


>>>> الرد الثالث :

عندك الصح خويا
الاساتذة تاع عين دفلى فيهم غي الهدرة
المهم وافونا بالجديد الله يحفضكم
اذا اضطر الامر نقاطع الدخول المدرسي الجديد
وسوف يكون لنا كلام في هذا الموضوع في وقته المناسب ونقولو الحمد الله لي كاين هذا المنتدى نتاصلو فيه

=========


>>>> الرد الرابع :

المشاركة الأصلية كتبت بواسطة gladiator44
عندك الصح خويا
الاساتذة تاع عين دفلى فيهم غي الهدرة
المهم وافونا بالجديد الله يحفضكم
اذا اضطر الامر نقاطع الدخول المدرسي الجديد
وسوف يكون لنا كلام في هذا الموضوع في وقته المناسب ونقولو الحمد الله لي كاين هذا المنتدى نتاصلو فيه

عقوا على المداخلة اخي لكن مقاطعة الدخول لن تكون حلا. فهناك غيرك سيعمل

=========


>>>> الرد الخامس :


=========