عنوان الموضوع : ما هي المستجدات عندكم؟ ثانية ثانوي
مقدم من طرف منتديات العندليب

مرحبا انا سعيدة بعودتي لهذا المنتدى الجميل بعد طول غياب

وبعد راني حايرة في الجدول تاعنا معظم المواد العلمية دايرين هالنا العشية والسوايع الاخيرة كي يعطي ربي

الانسان يكون تعبان العشية يجي بعد الراحة يقرا رياضيات

والجديد في الجدول منقروش اعلام الي وتكنولوجيا ريحنا منهم

ونقرو سعتين تربية فنية في الاسبوع

والعلوم اسلامية عندنا مرتين في الاسبوع الاثنين في الصباح ولحد الآن معندناش استاذ والمواد العلمية العشية

والرياضة العشية معناها احنا البنات معظمنا منلعبوش الرياضة معناها العشية نروحو على جال ساعة وحدة خاصة في الحر

ماهي المستجدات عندكم ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و الله نفس الشئ اختي

الرياضة مع العشية انا مانلعبش عندنا ساعتين

المواد العلمية حقيقة كلها مع الصباح ماعدا المادة الاساسية العلوم مع العشية

الاسلامية ساعتين بدون استاذ

اللغة كذالك

ربي يكون في العون

=========


>>>> الرد الثاني :

حنا عندنا الأساتذة ختي بصح ما عندي ما نقلك راهم كامل جدد وما هم عارفين والوا ربي يستر برك بالنسبة للسبور حنا عندنا الصباح مي أنا منلعبش على كل حال المواد العلمية كامل الصباح والعلوم الإسلامية ساعتين في السمانة

=========


>>>> الرد الثالث :

يا اختي كامل هاكدا
دايما كاين حاجة تخص
حنا ماعندناش استاذ فيزياء وعلوم
وادرس بشعبة علوم تجريبية
والله لكارثة بالفعل
الناس بدات في الدروس وراهي غير تتقدم فيها
ونحن نتفرج وندرس المواد الادبية وكاننا ادبيين فعلا
و كي يتأخرولنا ي الدروس
يولوا يدولنا الثلاثاء العشية و وين تكون ساعة فراغ يسرقوها
هادا ادا لقاوها اصلا
اما السبور العشية كذلك

الله غالب بن بوزيد راح وخلى وراه كوارث لا تعد ولا تحصى
ورغم ذلك
وفقكم الله

=========


>>>> الرد الرابع :

ائه يا خاوتي والله كامل راكم تعانيوواااااا احنا ماعندناش استادة اسلامية المواد العلمية فيها و عليها هادوك 2 سوايع داروهوم العشية بالطبع بدما لخاطر احنا عندنااا الاقسام بالوجوه السبور صباحح نموتتتتتتت خلاص الفيزياء الاستادة جديدة كارثة عظمى واش تحبوا نقولكم ربي يهديهم و ربي يوفقناااااا بلاك كي نتعبوا ربي ما يخليناش بالتوفيققققققق

=========


>>>> الرد الخامس :

السلام عليكم اختي اهلا و سهلا بك
يا اختي كامل رانا نعانيو
حنا معندناش استاذ الفرونسي و الاونجلي
و العلوم الاسلامية ثاني ساعتين
و المشكلة الكبيرة انو المواد العلمية نقراوها العشية و المواد الادبية الصباح رغم اننا علميين شيء غريب
و السبور العشية من 2 الى 4 و انا نلعب نورمال
بصح التربية الفنية معدناش
شكرا على الموضوع
و ربي يوفقنا كامل

=========


ربي يوفق الجميع وربي يستر من كوارث اخرى


نعم انا ايضا الرياضة في المساء لكنها لوحدها و الحمد لله
المواد العلمية تقريبا كلها في الصباح لك احيانا تكون في المساء
الـ tp يوم الاحد من 8 الى 12
لا ندرس تربية فنية في ثانويتنا ولا ندرس موسيقى
التربية الاسلامية ايضا ساعتين في الاسبوم مرة في الصباح و مرة في المساء
دائما الدخول على 8 و الخروج على 17 و النصف مساءا يعني الامر جد متعب للاسف
عندي كل الاساتدة و الحمد لله
لك ليس لدي قسم بسبب الاكتظااظ
لكن نحن ندرس في المدرج احيانا و احيانا اخرى نبحث عن قسم فارغ
ربي يكون معانا

ربي يكون مع الجميع
مي احنا من 8 الى 4 والنصف نقراو والعشية ندخلو مع 1 والنصف

انا بالنسبة للهندسة مدنية الرياضيات و الفيزياء كامل الصباح تقريبا كل يوم ساعتين
اما المواد الادبية في المساء
في التوقيت تاعنا حطولنا التاريخ الساعة الاخيرة مساءا و كيما تعرفوا لازملها تركيز التاريخ

سلام

كذلك نحن نعاني نفس المشكل كل من المواد الرياضيات والعلوم والفزياء معظم الساعات في المساء

علوم اسلامية ساعتين وبدون استاذ

الاجتماعيات
3ساعات


ربي يفرج علينا كامل

احنا يا بنات المواد العلمية في الصباح و العلوم اسلامية مرتين في الاسبوع و عندنا يوم الثلاثاء نخرجو على الواحدة

هاذي جديدة نهار الثلاثاء الخروج مع الوحدة
المهم ربي يكون في عون الجميع
بالنسبة للعلوم الاسلامية عندنا مرتين في السمانة الرسم مرتين

شكراااااااااااااااااااا جزيلاااااااااااااااااا