عنوان الموضوع : .. ادخل تحير شوية مع اول يوم لي ف ما يسمى الدراسة ف الدزاير سنة 2 ثانوي
مقدم من طرف منتديات العندليب


السلام عليكم ~

..

سبحان الله
اليوم نت كارهة صدقوني ما كنت حابة نروح نقرى داك القسم اللي طحت فيه الله لا يشوفكم فيه كي الاساتذة كي تلاميذهم كامل مايصلحوش + على 10
..
درت الكوراج و رحت
..
الصباح جازو 2 سوايع نورمـــــال
جوزتهم شغل خير من بقيت فالدار
و خلاص ..

.. المهم .. عشية كان عندي tp
2 سوايع علوم .. يا لطيف
ديك الكلاصة منين نجي نتفاؤل يدخل استاذ يرجعني .. نحلف منزيد دقيقة لتما
يا ودي تقولك منعرف واش كان شارب
ملي دخل و هو يهدر و يهدر و يهدر
و كيفاه يهدر .. مشي كامل مقلق الله يبارك
كي قريب تصوني بدا يكتب و يكتب و يكتب
ههه و كي صونات قاللنا ياك فهمتوا
..
انا خرجت .. و ف الكولوار تلاقيت مع الشيخة
تع العلوم اللي كانت تقريني العام اللي فات
ياو تموت عليا .. تقولك منعرف واش درتها
..
قاتلي ارواحي احكيلي كيفاه و ادا عجبك الحال
..
ههه و انا كنت رايحة نكلاطي
و بديت نشكيلها مخليت حنى شيخ من ديك الكلاصة
و زت طلعتلها النيفو قتلها و الله يا شيخة اني حابة نقرا عندك و منا و منهيك
..
قاتلي اه اه .. اه ايه
..
قاتلي اياي تشوفي معايا عند هداك المراقب العام
..
هاد السيد نشفى نهارالخميس اللي فات رحت عندو
بلا ما دخلت للكلاصة كانوا حكاولي عليها ديجا
اي بان رحت عندو قتلوا كدا و كدا و معجبتنيش
قالي يا ودي روحي مشي كامل وقتك دوكايا
قتلوا هكا اه
رحت للدار قتلوا لخويا .. 25 نجي معاك
قتلو تتمسخر بيا .. رحت عند بابا قالي
نتيا واش يهمك ف دوك الشيوخة اقراي وحدك
و خلاص + و الله ما عندي الوقت باه نجي معاك
.............
زعفت شوية امبعك راحلي
..
ايا مالا قتلكم اليوم كي رحت مع الشيخة تع العام اللي فات
ايه واش داك الاستقبال .. انعم و ماعليه
مرحبا بنتي واش خصك
ههه خزرت فيه و قتلو عمو انت هو المراقب العام
قالي ايه .. قتلو اك تشوف هاد الشيخة
قالي ايه نعرفها بيان سير قتلوا حبتني نروح نقرى عندها ياك معليش .. قالي و كيفاه سي سير معليش
بلا مزية يا خاه
امبعك كتبتلي هي كلب التحويل و قالي بربي ان شاء الله غدوة تفرى

.............................

سبحان الله كي رحت وحدي .. قالي ممنوع و مشي كامل وقتك و خلي و خلي داك العياط
لو كان كنت رافدة كابوسا نتيري عليه نورمال
..
اني حايرة منين جابوه
..
و كي رحت مع الشيخة قالي مرحبا و بلا مزية
و كامل و كلش

..

و الله لو كان نكملوا هكا
افريقيا و تسمح فينا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههههههههههههه عندك الحق مي حكايتك حكاية

=========


>>>> الرد الثاني :

هبطتلي المورال يا المصفارة ........كيدايرة


ههه نقصر بصح والله غير قنطتيني ادي استاذ تاع اللغة قلمبو يقول كلام السوء وانا نكر نكر نكره الشير ولا شيرة سيرتو الاولاد الي يسبو ويبداو يطيحو نكرهم لربي مانوليش قاع نضوي عليهم وزيد استاذة تاع العلوم مين ذاك الزهر 00 مسترجلة على لاغلبة اه ياوعدي
كاين الي زهرهم يخدم عليهم كيما نتي ماشي حسد ولا هههههع وكاين الي يخدمو على زهرمذهم كيما انا راني نحاول باه نتنقل ومزال مبان والو

=========


>>>> الرد الثالث :

ههـــ والله اختي رانا قاع هاك انا اليسي انتاعي حرت فيه والله منعرف كيفاه الواحد باغي يقرا هذ العام الادارة وحدها التلاميذ في جيهة المهم كلشي مخلط حنا تقني السمانة لي فاتت مقرينهاش كومبلي استاذ مشفناهش واليوم صباح جاتنا صباح التكنو والرياضيات
والعشية ندمت لي رحت قاع مقريناش داونا لوحدا القاعة كبيرة تشبة لقاعات نتاع دار الثقافة تقول باغي نتفرجو لمسرحية ولا وطلقولنا لكليمتيزار وبلعو كلشي ظلمة كان خصنا غير الرقاد والله ....لكملنا هاك الله يستر مستوى راهي تحت الزيرو
وهذ المستشاريين وقاع غير نتاع بيسطو روحيله مع معريفة ولا وشوفي كيما صرالك الدزاير انتاعنا غير انتاع معريفة الله يستر يااختي رانا كارثة انتاع الصح ربي يستر برك ..؟؟

=========


>>>> الرد الرابع :

سلام ربي يكون فيعونك

=========


>>>> الرد الخامس :

المشاركة الأصلية كتبت بواسطة كحلوشة مبروشة
ههههههههههههههه عندك الحق مي حكايتك حكاية

علابالي بلي عندي الحق .. ميرسي ع المرور و الاستمتاع بالقصة

المشاركة الأصلية كتبت بواسطة just.girl~
هبطتلي المورال يا المصفارة ........كيدايرة


ههه نقصر بصح والله غير قنطتيني ادي استاذ تاع اللغة قلمبو يقول كلام السوء وانا نكر نكر نكره الشير ولا شيرة سيرتو الاولاد الي يسبو ويبداو يطيحو نكرهم لربي مانوليش قاع نضوي عليهم وزيد استاذة تاع العلوم مين ذاك الزهر 00 مسترجلة على لاغلبة اه ياوعدي
كاين الي زهرهم يخدم عليهم كيما نتي ماشي حسد ولا هههههع وكاين الي يخدمو على زهرمذهم كيما انا راني نحاول باه نتنقل ومزال مبان والو


هه صحاب الزهر واعرين .. ياو بالاكي برك تعطيني بعين
غدوة نروح يقولي شكون نتيا

=========


المشاركة الأصلية كتبت بواسطة -نور الايمان-
ههـــ والله اختي رانا قاع هاك انا اليسي انتاعي حرت فيه والله منعرف كيفاه الواحد باغي يقرا هذ العام الادارة وحدها التلاميذ في جيهة المهم كلشي مخلط حنا تقني السمانة لي فاتت مقرينهاش كومبلي استاذ مشفناهش واليوم صباح جاتنا صباح التكنو والرياضيات
والعشية ندمت لي رحت قاع مقريناش داونا لوحدا القاعة كبيرة تشبة لقاعات نتاع دار الثقافة تقول باغي نتفرجو لمسرحية ولا وطلقولنا لكليمتيزار وبلعو كلشي ظلمة كان خصنا غير الرقاد والله ....لكملنا هاك الله يستر مستوى راهي تحت الزيرو
وهذ المستشاريين وقاع غير نتاع بيسطو روحيله مع معريفة ولا وشوفي كيما صرالك الدزاير انتاعنا غير انتاع معريفة الله يستر يااختي رانا كارثة انتاع الصح ربي يستر برك ..؟؟


ما يهمنيش ياو ان شاء الله برك غدوة نروح ديركت لوين بدلت
مانيش حابة كامل نتلاقى بهادوك الاساتذة ..
المشاركة الأصلية كتبت بواسطة aidy
سلام ربي يكون فيعونك

يسلمك


الاستاذة شحال عمرها ؟

المشاركة الأصلية كتبت بواسطة kyzer
الاستاذة شحال عمرها ؟


ماسقسيتها ما علابالي
مي تبانلي ف 40 و لا 43

و المراقب ؟

اسمحيلي بصح أنآآ ضحكت ههههه

أستآآذك كآن شآرب RedBull بآين عليه و لآ كآن قآبض كآس قهوة كيمآ يديرو أستآتذتي قبل الدخول للقسم خخخخخ

و الله مآآ لقيت وآش نقولك

إن شآآء الله طيحي في كلاصة مليحة أختيي ..

و عندك الحق يمشو بالوجوه ...

الله يهديهم .. لآ تعيريهم إهتمآمآ

موفقة = (


الله يوفقك

المشاركة الأصلية كتبت بواسطة kyzer
و المراقب ؟


منعرف بصح شعرو شايب يكون ف 50 و الله معلبالي
+ عابالي واش اك تخمم .. الاستاذة مزوجة و وليدها يقرى لتما ..

المشاركة الأصلية كتبت بواسطة ♥إكْــــــرَامْ♥
اسمحيلي بصح أنآآ ضحكت ههههه

أستآآذك كآن شآرب redbull بآين عليه و لآ كآن قآبض كآس قهوة كيمآ يديرو أستآتذتي قبل الدخول للقسم خخخخخ

و الله مآآ لقيت وآش نقولك

إن شآآء الله طيحي في كلاصة مليحة أختيي ..

و عندك الحق يمشو بالوجوه ...

الله يهديهم .. لآ تعيريهم إهتمآمآ

موفقة = (


ههه ايه تبانلي درب كاش 2 كانيطات ريدبول
ان شاء الله ..
يعيشك حنونة .. بالتوفيق لك ايضا ~
المشاركة الأصلية كتبت بواسطة naymar71
الله يوفقك


يسلمك .. بالتوفيق لك ايضا و للجميع

تباااا افريقيا واش راكي رافدة على ظهرك يااو لافريك مخدومة للحيوانات المستقبل ضاااااااع و الهربة لمن استطاع

هههههههههههههه قصة في القمة
و الله غير ضحكت وزاد تخمام تع كايزر كمل عليا ههههههههه و هذي بلاد دوكا ؟
المهم نتي الحمد لله سلكتي مالا أنا نندب على زهري
الله يوفقك و يوفقنا
سلام