عنوان الموضوع : مساعدة من تلاميذ التقني رياضي
مقدم من طرف منتديات العندليب

السلام عليكم
أرجو من كل تلاميذ السنة ثانية ثانوي المساعدة
لطالما سمعت اشاعات تدور حول صعوبة هذه الشعبة خاصة مادتي الرياضيات و الفيزياء اذ يكون معاملهما في الباكالوريا 6
لذلك ارجو ان تجيبوني على بعض الاسئلة التي تراودني
وهل يمكن تجاوز مشكل معاناتي من مادة الرياضيات في السنتين الماضيتين (4متوسط واولى ثانوي)
ارجو الاجابة و المساعدة فلا تزال اثار الصدمة بعد رؤية التوجيه بادية علي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

...............................

=========


>>>> الرد الثاني :

كلشي يمشي بالارادة
اذا عندك ارادة تجل سوجي تاع شناوة عادي

=========


>>>> الرد الثالث :

انتي درك طالعا ثانية ثانوي ياك

ادا مدولك شعبة تقني رياضي فصديقيني فانا افضلها كثيرا الناس راهي تقول بلي صعيبة و تروي انا درك نقلك الصح
رغم اني ممتاز في العلوم اخترت شعبة التقني كنت خايف شوي عاالاول ومباعد كيصح تبداو في البرنامج تتمتعين بحلاوة الدراسة و تولي وحدك تشتي القراية ساحدثك عن الشعبة بالتفصيل
ادا بعتوك هندسة مدنية فهنيئا لك و ادا مبعتوكش ليها انا ليا تبداي مدنية خير هدي وحدة
ثنين الهندسة المدنية ساهلة ماهلة ما في ها حتى صعوبات تقراو غير على القوى و فيها جزء غير حفاظة متخافيش منها خلاص ---المعامل تاعها 6 وفي تارمينال تولي 7

بالنسة للرياضيات الدروس هي نفسها تاع شعبة العلوم التجريبية و شيهي تتعمقو فيها شوي برك لي يقرا يلقا بصح منكدبش عليك الرياضيات تاع الدوزيام اي صعيبة شوي و تحتاج لمجوهودات --المعامل تاعها 6

وصلنا للفيزياء الفيزياء لكانك دكية و تحبي تقراي تلقاي روحك فيها ماشي ساهلة بزاف مي كاينين دروس صعبة صعبة و الدروس تختلف مع شعبة العلوم فيها 3 دروس زايدين و الباقي كل متشابهين --المعامل 5


--- و بالنسبة للتقني مايقراوش العلوم اتهانيا منها


و في الاخير نقلك متخافيش انا نعتبرها شعبة مليحة لكن اوصيك باخد الامور بجدية و الشعبة ماهي غول حتى تخافومنها لهدة الدرجة




في انتظار ردك و اي استفسار

=========


>>>> الرد الرابع :

لا لا التفني رياضي سهلة خاصة المدنية

=========


>>>> الرد الخامس :

ما كانش منها كامل الشعب كيف كيف لازملها قراية و خدمة كبيرة على الانسان بذل المجهودات فقط و على الله التوفيق
انا قريت علوم تجريبية لكن في الجامعة عرفت بزاااااف ناس كانو تقني رياضي و جاتهم ساهلة و نجحو فيها و معندها حتى معنى الهدرة نتاع صعيبة ولا ساهلة المجهودات هوما الي يحددو مدى النجاح في اي مجال و الله المستعان

=========
وَعليكمْ السّلآم ورحمةُ الله وبركـآته ‘

مرحبًـآ أختآه ،و مبآركٌ لكٍ الانتقآل للسنة الثآنية *

شعبة التّقني ترتكز على 3 موآد التكنولوجيآ ، الرياضيات ، الفيزيآء ؛ وبقية المواد فهي مشتركة بين الشعب العلمية

التكنولوجيا بالنسبة لك هي الهندسة المدنية ... بصرآحة ليس لديّ أدنى فكرة عنها لأنها غير موجودة في ثانويتنا ... الرياضيات البرنامج ينطبق تماما مع الرياضيين ويختلف قليلا فقط عن العلميين [ رغم اختلاف الحجم الساعي مآ تفهم والو ]
الفيزياء أيضا مثل الرياضيين [ لديكم 4 وحدآت في المجموع زآئدة على العلميين لكن بسبب عدم إكمال البرنامج الاختلاف يكون في وحدتين فقط ]

اممم الدروس التي تستلزم تركيزا أكبر [ لآ أقول أصعب ] : الجداء السلمي في الرياضيات بسبب تنوع التمارين المقترحة ، الأكسدة والإرجآع في الفيزياء تستدعي تحكما تاما في المعادلات ....

بالنسبة للمشاريع لا تشغلي بالك بها كثيرا ... معظمها في الأدب والانجليزية والفرنسية

المواد الأخرى بإيجآآآز : الأدب : الشعر العباسي والمغربي والأندلسي في الأخير .. عموما أفضل من برنامج السنة الأولى لأن المفردات تصبح أسهل والمعاني أوضح
التاريخ : الاستعمار وأسبابه ، المقاومة الوطنية إلى غاية 54 ، الحربين العالميتين [ وهذه الوحدة التي أحببتها أكثر ]
الجغرآفيا : الخصائص الطبيعية للجزائر ، السكان والتنمية ، الأقآليم
الانجليزية : Active and passive form ، direct and indirect speech
العلوم الإسلآمية : أحكآم التجويد [ وليتك تطلعين عليهم في العطلة فيكون الفصل الأول بالنسبة لك أسهل ] ، ودروس نظرية أخرى
الفرنسية : بصرآحة لآ شيء جديد [ على الأقل لا أذكر ]

يبدو أنني أطلتُ عليك ، ولكن نقطة أخييرة :: بمآ أنك تخلصت من مادة العلوم في هذه الشعبة فركزي على الهندسة والرياضيات لكن لا تهملي المواد الأخرى ... ولا تدرسي فقط لهذه السنة لأن تحكمك فيها سيعينك في النهآئي [ هذآ قول أصحآب البآك ولم أجربه بعد ههه ]

عموما وفقك الله أختي .. وأي استفسآر فآنا هنا

السّلآم عليكم ورحمةُ الله وبركآته



هذآ رد سبق وأن كتبته من قـبلْ ،
وأنآ هنآ لاستفسآرآتك

‘


شكرا للاخ raouf96 فقد قام باختصار الشرح لك نعم التقني رياضي احسن شعبة و الله عن تجربة و خاصة اختصاص الهندسة مدنية دروسها ليست صعبة تحتاج فقط للمثابرة و الاجتهاد بالنسبة للمواد العلمية في البكالوريا فهي مرتبطة بالسنة الثانية يعني ننصحك ركزيمليح فالسنة الثانية خاصة الرياضيات ركزي على الدوال و الفيزياء ركزي عليها كامل كذلك الهندسة ان اخترت الهندسة مدنية ركزي جيدا على الميكانيك هو سهل جدا لكن لازم تفهميه مليح في السنة 2 لانها القاعدة بالنسبة للبناء ركزي على التجارب لي ديروهم لانهم ممكن يتعاودوا في البكالوريا و لن تدرسوهم في السنة 3
ااما المواد الادبية فهي سهلة تحتاج لاهتمام بسيط فقط
وفقك الله