عنوان الموضوع : معاناة تلاميذ البكالوريا للسنة 3 ثانوي
مقدم من طرف منتديات العندليب

السلام عليكم
موضوع هذا خارج عن الدراسة مي نحكيو وش كان في قلوبنا على قرايا و وش رانا نعانيو
في الليسي تاعنا رانا نعانيو بزاف خاصة من الاستاذة مراهم يشرحوا والو كارثة رحنا فيها صح صح
تاع العلوم منين تدخل وهي غير اكتبوا اكتبوا والله تبان حصة املاء و متشرحش تقرالنا من الكتاب و كي نسقسيوها تروح تقرا وتحوس باه تجاوبنا وساعات حنا لي نجاوبوها ونعطيوها الحل وساعات نصحولها المشكل ماشي جديدة راهي قديمة و متعرفش تقري وقولنالها رانا نكتبوا بزاف ومنفهموش مداتهاش فينا كامل رانا معولين على الدروس الخصوصية مي لوكتاه ؟؟؟؟
تاع الرياضيات منين يدخل وهو انا و انا وانا كي كنت قدكم كنت ندير و ندير و هو مايشرح والوا والله سعات يحلنا تمرين غالط مبعد غدوة هاديك يجي يقولنا صحوا ومرة عطانا تمرين راح حلو مع استاذ واحد اخر وجاء حلوا معانا وهو تاني قديم شوي
تاع الاجتماعيات حتى هيا منين ندخلوا وحنا نكتبوا وتخلينا نحكيو حنا مع نبداو نحكيو هيا تقولنا منشرحش نتوما لي بغيتوا ديروا الفوضى وهي كل يوم تعاودلنا نفس القالب و اكتبوا وحدكم المصطلحات حوسوا عليهم نتوما و الشخصيات
تاع العربية حدث ولا حرج قاتلهم ارقدوا جابوها جديدة تخيلوا واش قاتلنا عرفوا الاعراب في حياتي كامل جامي سمعت هذا السؤال
و الباقي منقولش ملاح نقول صافا ملاح يقريو تاع 1 مي ماهمش استاذة لي يقريو جماعة الباك
والليسي بصفة عامة ميتحملش نقراو فيه فوق قلب تاع محتمة هذا مكان لامراقبين يصلحوا لا معلمين والووووووووووووووووووو
ومنحكيلكمش على البرنامج راهو معمر بزاف ديما 8-5 مكانش خلاص ساعة فراغ و برنامج يعيف ويعيي
واش راح نقول غير ربي يكون معانا وينجحنا كامل علابالي كامل راكم تعانيو من الاساتذة
سمحولي طولت عليكم انشاء الله كامل تشاركوا بمعناتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وينك راكم ولا مراكم تعانيو حتى من واحد

=========


>>>> الرد الثاني :

الله يوفقنا اختي اذا كان الامر كذلك اذن عليك بالدروس الخصوصية والله ولي التوفيق

=========


>>>> الرد الثالث :

اميييين يا رب
وي راني مع الدروس الخصوصية فرات و فالدار عيت نبدأ نقرا وحدي

=========


>>>> الرد الرابع :

والله امالة حنا رانا 44444 الحمد لله كل الاساتذة هايلين يعرفو يقريو حتى نتاع الرياضة ولكن عندنا مشكل مع نتاع الفيزياء فقط هو يعرف يفهم ولكن عندو مشكل انو غاسب في هدرتو بزاف ملحقنا بوالو ولكن في كل الاحوال الحمد لله

=========


>>>> الرد الخامس :

والله امالة حنا رانا 44444 الحمد لله كل الاساتذة هايلين يعرفو يقريو حتى نتاع الرياضة ولكن عندنا مشكل مع نتاع الفيزياء فقط هو يعرف يفهم ولكن عندو مشكل انو غاسب في هدرتو بزاف ملحقنا بوالو ولكن في كل الاحوال الحمد لله .

=========


Slm 7na 3andna mochkil m3a ta3 bis&géo daymen ghayb w ki yji yahdar w khlasse mazalna ghire f n'ose daresse


استعينوا بالصبر والصلاة ... واكثروا من الاستغفار.... وعليكم بالاجتهاد والمثابرة ...والذي ليس لديه أستاذ كفء فليعتبر نفسه بدون أستاذ ويعول على نفسه وجهده والاعتماد على الدراسة مع زملائه في مجموعات ويحتك ببعض الاساتذةالذين يدرسون الأقسام الموازية ولا يركن للملل فيفقد الأمل

ما علينا الا الصبر و الدعاء بالفرج
رانا كامل كيف كيف اختي
استاذتنا تاع العلوم تقري درس في جهة و دير الفرض في جهة و اللي يسألها تقولو ماديرليش الفواصل الاشهارية هادي راك تعيق في مسيرة الدرس ...
نحبو نفهمو ما يفهموناش و فاللخر يديرو فروض تعجيزية بالنسبة ليا مواضيع البكالوريا اسهل بكثير
المورال طايح و اخرتها ما علابلناش وين ؟؟؟
ربي يفرج علينا


الله غالب ربي يكون معانا
حتى حنا ربي عالم بينا وليكور غالية بزاف الراحة مكانش رانا مغوطين ياسر

حنااااااااااا ثانيك

والله غير المواد العلمية تقلبت ولات أدبية نهار كامل واحنا نكتبو
اما المواد الأدبية نستثني منها الأدب والاجتماعيات يلي الله يبارك
مي لوخرين ضاربين الدنيا مراهمش يقريو كامل
حاكمينها حكايات وخلاص
مرانيش عارفة وش ندير
المواد العلمية درت لي كور مي المواد الأدبية معنديش وقت باه ندير
أني ضايقة وحابة نبكي على هذا الزهر

حالتكم كيما حالتنا ............ الله غالب ... لازم نقراو فليكور أو فالدار هذا هو الحل

ربي يصبرنا وينجحنا كامل ان شاء الله

اميييين يا رب