عنوان الموضوع : إلا كان الفرض كيما هكا بلاها فروض و خلاص ثالثة ثانوي
مقدم من طرف منتديات العندليب

اولا السلام عليكم كيف حالكم مع النقاط أنا مانيش لابس مع النقاط بصح نأمل من الله فقط أنا تكون هذه مجرد عائق صغير" دودنا" ما تاثرش في المسيرة الدراسية نحو البكالوريا و نرجع للموضوع اليوم درنا فرض في مادة اللغة العربية تع الفصل الأول كي كملنا و مدينالها لورق أيا مالا سقسينا الأستاذة ماهو نمط النص قاتلنا بلي وصفي حجاجي أيا سمعتها وحدة قاتلها أستاذة أعطيني الورقة قاتلها الأستاذة علاه قاتلها أعطيني و خلاص أيا حنا حرنا يا ربي واش هاد لعوج قاتلها علاه قاتلها هاتي برك و الكارثة العظمى الأستاذة مدتلها الورقة وراحت بدلت الإجابة أنا يبست في بلاصتي و تشوكيت تحنطت من الذهول
مالا واش ننتظرو في المستقبل واش رايحين نكو نوا إلا كلنا طلعنا بالغش و التنقال عجز لساني عن التعبير و الخط لكم
المرة لي فاتت كي كتبت موضوع على قسمي كلاوني إن شاء الله هاد الخطرة ما يفيقوش بيا حتى الأستاذة مالفة تدخل ربي يجيب لي فيها خير برك الله غالب ما قدرتش نسكت على لعوج
و دمتم بخير في امان الله و لكم الخط


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أهلا اسماء ............ شوفي ماديري والو في بالك حنا تاني عندنا هاد الذهنية عند البعض ..المهم ركزي في قرايتك و خلاص ..... ربي يوفقك

=========


>>>> الرد الثاني :

فينا غير العوج
هكذا نحن الجزائريون

=========


>>>> الرد الثالث :

ربي يعاونكم حنا في قسمنا كثر من هكذا

في الفرض الأول للفلسفة كنا متوقعين الأسئلة ( قارن بين السؤال العلمي والفلسفي و هل للمنطق الصوري قيمة)

أنا وصحاباتي حفظنا المقالات

لكن في قسمنا كاين اللي كتبو المقالات في أوراق مزدوجة في الدار من المراجع وكي جاو للقسم دارو رواحهم يحاولوا ومبعد في آخر الحصة مدولها هذيك الورقة واحد جاب 14 وواحد 13 ..............إلخ والأستاذة صححت عادي جدا

وبلا ما نقولك بقية المواد طرق احترافية في الغش (تسجيل دروس الإجتماعيات على جهاز الأم بي ثري خاصة المتحجبات أو تصوير الصفحات على الموبايل ............... إلخ

=========


>>>> الرد الرابع :

المشاركة الأصلية كتبت بواسطة keri92
أهلا اسماء ............ شوفي ماديري والو في بالك حنا تاني عندنا هاد الذهنية عند البعض ..المهم ركزي في قرايتك و خلاص ..... ربي يوفقك

انا اصلا كنت قادرة نغش بصح نهف غير روحي الصح في الباك
المشاركة الأصلية كتبت بواسطة oussama-dz
فينا غير العوج
هكذا نحن الجزائريون

ايه شفت كلش بالبيسطو
المشاركة الأصلية كتبت بواسطة ouarda1992
ربي يعاونكم حنا في قسمنا كثر من هكذا

في الفرض الأول للفلسفة كنا متوقعين الأسئلة ( قارن بين السؤال العلمي والفلسفي و هل للمنطق الصوري قيمة)

أنا وصحاباتي حفظنا المقالات

لكن في قسمنا كاين اللي كتبو المقالات في أوراق مزدوجة في الدار من المراجع وكي جاو للقسم دارو رواحهم يحاولوا ومبعد في آخر الحصة مدولها هذيك الورقة واحد جاب 14 وواحد 13 ..............إلخ والأستاذة صححت عادي جدا

وبلا ما نقولط بقية المواد طرق احترافية في الغش (تسجيل دروس الإجتماعيات على جهاز الأم بي ثري خاصة المتحجبات أو تصوير الصفحات على الموبايل ............... إلخ

ههههههههههه شفتي ختي اومبعدكي يريبو ديور ولا الناس كي تروح للطبيب يقلك النيفو هابط كون ماكانش تنقال ما يصرا حتى حاجة من هاد الشئ

=========


>>>> الرد الخامس :

السلام عليكم اختي

وين تروحي تلقاي هذا التفكير السلبي ......في الباك و التنقال ماخلاوهش ....نورمالمو بركاوه من زماااااااان
والشيء المحير كاينين اساتذة يساهمو فيه .....سبحان اللله في اي زمااااااااااااااااان نحن .....لدرجة انو الكثير في قسمنا بداو يوجدو قصاصات للمصطلحات في الاجتماعيات هههههه تحضيرا للبكالوريا للتننقال...... ونساو في المقابل انهم اذا نجحو بالغش نجاحهم بالدرجة الاولى غير مقبول عند ربي وهوما يخرجو حابسين....

على العموم ربي يهدينا اجميعين....

تحياتي لك اسماء ......وحاواي تنصحيهم ع الاقل بالاك يسمعو الكلمة

=========


سبحان الله

احنا ماعندناش هاذ الحالات
حتى واذا كانت كاينة
تكون فقط الهدرة بين زوج او 3

لكن تاع نكوبيي ونجيب *الحروز* مكانش عندنا
خاصة كي رانا في النهائي
العام الماضي كانت صح
لكن هاذ العام كل واحد راهو يخدم وحدو

مزال ماشفتش كوبياج ولا اخراج الكراس أثناء الفروض ؟؟؟؟


المهم ربي يجيرنا من هاذ الغش


السلام عليكم ...مي بصاح لوكان جيت في بلاستك يا ختي و الله مانسكت......تصرا هاكداك قدام عيني و نسكت ..محال نسكت ......كيما صرات في التصحيح تاع اختبار شريعة عندنا انا ديت 16.5 و الشيخ ديالنا ما حسبليش واحد الشرح قوتلو عليه بدا يجيبلي في سبايب قالي اسلوب ركيك و ما قلت والو و زاد قالي سايي حسبنا المعدلات و قلت ماعليش قالي فكريني للفصل الثاني نزيدهالك قوتلو انشاء الله مع انها ماراح تزيد فيا والو نقطة برك و زيد ماتنحسبش في الاختبار و .......و مع الاخير عايطاتلو بنت المديرة تقرا معانا قاتلو استاذ راك مناقاصلي نقطة قاللها هاتي زادهالها ديراكت ....الوغلا انا زغفت و ماسكتش قوتلو الحمدلله لي هاد العام باك و مزية يصاحو بلا مايشوفو الاسامي و قالي خلاص دوك نزيدلك ليك نقطتك قتلو مقبيل درتلي 100 سبب و دوك تزيدهالي قوتلو يا استاذ بكل احتراماتي لك مي والله ماتزيدهالي و مانسحاقهاش....................علابالك ختي انا هاكدا حاجة في قلبي نقولها و قل الحق و لو كان مرا ...و هادي هي ربي يهدينا هادا ماكان

و ربي ينجحنا انشاء الله....شكرا اختي

ختي الصح فالباك

شوكيتيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني هادي رايحة للبكالوريا هكذا ؟؟؟ حنا كانو الاساذة يخليونا ويخرجو واحد ما يهدر مع خوه

ايه ومبعد كي تجيب 16 وبلا نيفو علااااااه واش دير بيها.......الغش مارايحش يفيدها حنا رايحين نديرو امتحان بكالوريا ما نستناوش المعدلات .......حتى الي داو الباك ب15 وبالغش ماعندهمش نيفو يروحو للجامعة ويحبسو ربي يهدي ما خلق

hhhhhhhhhhhhh Bien

Ana Les année li fatou Sah nCopie Loll mais Sna ma copitech khlaaah bah nchouf niveau ta3i

... 3labalkoum lguit rohi waloooooou

Il faut nahiw had l3akliya lol


Koulech yban fel BAC

BON Chance a tous

المشاركة الأصلية كتبت بواسطة اميرة الابتسامة
السلام عليكم اختي

وين تروحي تلقاي هذا التفكير السلبي ......في الباك و التنقال ماخلاوهش ....نورمالمو بركاوه من زماااااااان
والشيء المحير كاينين اساتذة يساهمو فيه .....سبحان اللله في اي زمااااااااااااااااان نحن .....لدرجة انو الكثير في قسمنا بداو يوجدو قصاصات للمصطلحات في الاجتماعيات هههههه تحضيرا للبكالوريا للتننقال...... ونساو في المقابل انهم اذا نجحو بالغش نجاحهم بالدرجة الاولى غير مقبول عند ربي وهوما يخرجو حابسين....

على العموم ربي يهدينا اجميعين....

تحياتي لك اسماء ......وحاواي تنصحيهم ع الاقل بالاك يسمعو الكلمة

هههه كون نهدر معاهم ياكلوني راهم كبار و يعرفوا صلاحهم ربي يهديهم
المشاركة الأصلية كتبت بواسطة نسمة النجاح
سبحان الله

احنا ماعندناش هاذ الحالات
حتى واذا كانت كاينة
تكون فقط الهدرة بين زوج او 3

لكن تاع نكوبيي ونجيب *الحروز* مكانش عندنا
خاصة كي رانا في النهائي
العام الماضي كانت صح
لكن هاذ العام كل واحد راهو يخدم وحدو

مزال ماشفتش كوبياج ولا اخراج الكراس أثناء الفروض ؟؟؟؟

محال لازم تنقال بالاك انتي ما شفتيش
المهم ربي يجيرنا من هاذ الغش

المشاركة الأصلية كتبت بواسطة بسمة بكالوريا2011
السلام عليكم ...مي بصاح لوكان جيت في بلاستك يا ختي و الله مانسكت......تصرا هاكداك قدام عيني و نسكت ..محال نسكت ......كيما صرات في التصحيح تاع اختبار شريعة عندنا انا ديت 16.5 و الشيخ ديالنا ما حسبليش واحد الشرح قوتلو عليه بدا يجيبلي في سبايب قالي اسلوب ركيك و ما قلت والو و زاد قالي سايي حسبنا المعدلات و قلت ماعليش قالي فكريني للفصل الثاني نزيدهالك قوتلو انشاء الله مع انها ماراح تزيد فيا والو نقطة برك و زيد ماتنحسبش في الاختبار و .......و مع الاخير عايطاتلو بنت المديرة تقرا معانا قاتلو استاذ راك مناقاصلي نقطة قاللها هاتي زادهالها ديراكت ....الوغلا انا زغفت و ماسكتش قوتلو الحمدلله لي هاد العام باك و مزية يصاحو بلا مايشوفو الاسامي و قالي خلاص دوك نزيدلك ليك نقطتك قتلو مقبيل درتلي 100 سبب و دوك تزيدهالي قوتلو يا استاذ بكل احتراماتي لك مي والله ماتزيدهالي و مانسحاقهاش....................علابالك ختي انا هاكدا حاجة في قلبي نقولها و قل الحق و لو كان مرا ...و هادي هي ربي يهدينا هادا ماكان

و ربي ينجحنا انشاء الله....شكرا اختي

ههههههههههههه زهرك كيما تاعي نشفالها نهار تربية اسلامية نفس العفسة
المشاركة الأصلية كتبت بواسطة seif_ eddine
ختي الصح فالباك

المشاركة الأصلية كتبت بواسطة dark_princess
شوكيتيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يعني هادي رايحة للبكالوريا هكذا ؟؟؟ حنا كانو الاساذة يخليونا ويخرجو واحد ما يهدر مع خوه

شفتي روحي قولي لوزير التربية و التعليم
المشاركة الأصلية كتبت بواسطة ناجحة ان شاء الله
ايه ومبعد كي تجيب 16 وبلا نيفو علااااااه واش دير بيها.......الغش مارايحش يفيدها حنا رايحين نديرو امتحان بكالوريا ما نستناوش المعدلات .......حتى الي داو الباك ب15 وبالغش ماعندهمش نيفو يروحو للجامعة ويحبسو ربي يهدي ما خلق

هاديك هيا ختي

المشاركة الأصلية كتبت بواسطة constantinoise
hhhhhhhhhhhhh bien

ana les année li fatou sah ncopie loll mais sna ma copitech khlaaah bah nchouf niveau ta3i

... 3labalkoum lguit rohi waloooooou

il faut nahiw had l3akliya lol


koulech yban fel bac

bon chance a tous

الحمد لله كي تبت هاديك هي تشوف نيفوك في الباك باه ماتهفش روحك و تعرف نيفوك

Oui Okhty 3andek Hak


Mais Rani Tofla hhhh