الحراسة المشددة في الباك ؟؟؟؟ لتحضير البكالوريا

[ظ…ط±ظٹظ…]

عنوان الموضوع : الحراسة المشددة في الباك ؟؟؟؟ لتحضير البكالوريا
مقدم من طرف منتديات العندليب

سلام عليكم
المترشحون في اختبار الباكالوريا اليوم راح يعقبو لمواد الاساسية في امتحان العمر وبناء او لبنات المستقبل الدراسي
لكن الي نقروه في شروق والاذاعة عن الحراسة المشددة والتي وصفها البعض بالمبالغ فيها
وهناك بعض الطلاب رفضو دخلو القاعات احتجاجا على الوضع الراهن للحراسة علما ان في كل قاعة ملاحظ و4 حراس يعني لجموع 5 في القاعة الواحدة °والجديد ان المعلمين في سلك الابتدائي لم يؤهلو للحراسة لانهم هم الحبل الاول في تسيبها °°°هم لي يطلقو في لعسة °°° كما يقول بعض الاساتذة المستائين من حالة الغش وانتشاره حتى كاد ان يكون مشروعا وفرض عين لى الطالب للنجاح ...... مع اني السنة المقبلة ان شاء الله راح اكون في الباك وانا حسب رئي الشخصي انو تشديد الحراسة مستحسن للتلميذ الذي كافح طوال العام وهذا امر مشجّع على الدراسة وانو تلاميذ يعتمدو على انفسهم لاني شخصيا وكل طالب سهر الليالي في تحضير للباكالوريا يمكن ينجح بمعدل 10 فاصل واخر بالحروز او الغش ينجح ب12 ويصبح في شعبة افضل منك
ونقولهلكم صراحة انا نحبها مشددة الحراسة في مواد الاساسية لانو يساعدك على تركيز وتعمل براحة وفي مواد الحفظ معليش اذا طلقت °°°° ههههههههه رايي كتلميذ سنة القادمة ممتحن ==== اريد ان اسمع رأي الاخوة في اصداء الحراسة الي اكيد انكم هلى اطلاع ولو سريع على وضع الحراسة

ربي ينجــــــــــــــح ولد عمي وجميع الطلاب يارب قولو امـــــــــــــــين ويسهل ربي لينا الحال سنة القادمة °°°°الحال مش الحراسة ههههههه°°°
ارجو ان تفيدونا بمشاركاتكم الطيبة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نعم الحراسة مشددة وهذا مستحسن لانه من صالح التلميذ وخاصة التلميذ النجيب يظهر مستواه حتى بدون حراسة

=========

>>>> الرد الثاني :

دخلوا الطلاب واحد واحد وشدو طابلة طابلة ومن بعد جاهم الحراس حارس حارس وحطوا لهم ورقة ورقة و زادولهم السيجي ولحقولهم خلعة خلعة ومن بعد ما كتبوا مقالة مقالة ربحوا قاع دوخة دوخة ومن خرجوا زنقة زنقة دار دار بيت بيت ..........
وبصح ماتخافوش يمدلكم عمي القذافي كامل 20 20

=========

>>>> الرد الثالث :

السلام عليكم ورحمة الله وبركاته

أولا
ربي يوفق كل مترشح
العام هذا والعام الجاي والعام اللي من بعدو

ثمّ
ألا ترى أن المترشح للبكالوريا
يفوت نهارو الاول كل نشايع

كيف ذلك ؟؟

أول ساعة من ساعات الصباح:
تجيه ماماه تنوضو وفي يدها كاس حليب ابيض باآآآآرد ...

صباح الخير "مموش" ياك ما نسيتش ... اليوم الباك

أول نشعة
ثم بعد ذلك
بدلة بيضاء بدل المئزر

- سروال وتريكو لا كوست
"البس وليدي فال خير"

- شوية ريحة وباط ياوورت

واحسب شحال

المهم ما توصلش 8
حتى تكون القلوب لدى الحناجر

بسم الله
ويخرج باليمين من دارهم

وما أن يصل الى مؤسسة الامتحان:

3 تويوتا درك وطني عند الباب
+ مجموعة من الحرس البلدي

والبواب:
هات الاستدعاء
ومن بعد
سنية حلوى عند الحجابة واقف بجنبها عساس يعطيك حبتين

(بكري كانت، ضرك مانعرف)

تهز عينك لساحة المدرسة
سيارتين للاسعاف موزعتين توزيعا لافتا للانتباه

قلي كيفاه راح تخطيك النشعة ؟؟

ومن بعد تدخل للقاعة
و5 حراس أولا

ومن بعد توزيع الأوراق
واقبل التوزيع
5 خلاف يدخلوا مع الأوراق

أرواح انت وزيد انت

أفتح لونفلوب
سنيي بلي ماكانش مفتوح

المهم
ع الاخر
كيفاش راح تجاوب
وكاش مابقالك معلومة

نسأل الله أن يوفق كلهم

=========

>>>> الرد الرابع :

خوية 6 حراس ماشي 5 والشرطة كاننا في تكنة عسكرية وين تدور تشوف واحد

=========

>>>> الرد الخامس :

خوية رشيد عمراوي والله عندك الحق حنا و عائلتنا نبنيو و بن بوزيد و جماعتو يهدمو
حسبي الله و نعم الوكيل

=========

والله الله يسهل انا عندي ختي تفت ربي يسهلها دعولها رببي يفرج

نعم اخي عندك الحق

المشاركة الأصلية كتبت بواسطة ايناس نور الاسلام دخلوا الطلاب واحد واحد وشدو طابلة طابلة ومن بعد جاهم الحراس حارس حارس وحطوا لهم ورقة ورقة و زادولهم السيجي ولحقولهم خلعة خلعة ومن بعد ما كتبوا مقالة مقالة ربحوا قاع دوخة دوخة ومن خرجوا زنقة زنقة دار دار بيت بيت .......... وبصح ماتخافوش يمدلكم عمي القذافي كامل 20 20

هههههههههه
شكرا على الرد الطرف والمنطقي
صح هذي هي اجواء البكالوريا

المشاركة الأصلية كتبت بواسطة رشيد عمراوي السلام عليكم ورحمة الله وبركاته أولا ربي يوفق كل مترشح العام هذا والعام الجاي والعام اللي من بعدو ثمّ ألا ترى أن المترشح للبكالوريا يفوت نهارو الاول كل نشايع :d كيف ذلك ؟؟ أول ساعة من ساعات الصباح: تجيه ماماه تنوضو وفي يدها كاس حليب ابيض باآآآآرد ... صباح الخير "مموش" ياك ما نسيتش ... اليوم الباك أول نشعة ثم بعد ذلك بدلة بيضاء بدل المئزر - سروال وتريكو لا كوست "البس وليدي فال خير" - شوية ريحة وباط ياوورت واحسب شحال المهم ما توصلش 8 حتى تكون القلوب لدى الحناجر بسم الله ويخرج باليمين من دارهم وما أن يصل الى مؤسسة الامتحان: 3 تويوتا درك وطني عند الباب + مجموعة من الحرس البلدي والبواب: هات الاستدعاء ومن بعد سنية حلوى عند الحجابة واقف بجنبها عساس يعطيك حبتين (بكري كانت، ضرك مانعرف) تهز عينك لساحة المدرسة سيارتين للاسعاف موزعتين توزيعا لافتا للانتباه قلي كيفاه راح تخطيك النشعة ؟؟ ومن بعد تدخل للقاعة و5 حراس أولا ومن بعد توزيع الأوراق واقبل التوزيع 5 خلاف يدخلوا مع الأوراق أرواح انت وزيد انت أفتح لونفلوب سنيي بلي ماكانش مفتوح المهم ع الاخر كيفاش راح تجاوب وكاش مابقالك معلومة نسأل الله أن يوفق كلهم

بارك الله فيك على الرد الجميل
صح ربي يعينهم
هادي هي بلادي

اليوم عندنا في باتنة حكموا طفلة تستعمل في البرتابل

فقام الحراس وأخرجوها ، ومنها الإقصاء ، ولم تشفع دموعها ، لكن هذا مصير من يلعب بمستقبله ، ناسيا أن الله يراه ، نسأل الله السلامة والعافية

المشاركة الأصلية كتبت بواسطة hanibalbarca خوية رشيد عمراوي والله عندك الحق حنا و عائلتنا نبنيو و بن بوزيد و جماعتو يهدمو حسبي الله و نعم الوكيل

ربي يهدي
لبوزيد والله كرهت هالاسم
لبو ناقص حاير قلو رجالة والوزراء باش يحطو هالبشر ..............رجعوه وزير الشبيبة والرياضة نجيبو الكاس

المشاركة الأصلية كتبت بواسطة chouchou123 والله الله يسهل انا عندي ختي تفت ربي يسهلها دعولها رببي يفرج

امين
ربي يفرج ويسهل وتنجح ياااااااااارب
ولد عمي تاني
يارب يسهل على كل من تعب

المشاركة الأصلية كتبت بواسطة الأثري اليوم عندنا في باتنة حكموا طفلة تستعمل في البرتابل فقام الحراس وأخرجوها ، ومنها الإقصاء ، ولم تشفع دموعها ، لكن هذا مصير من يلعب بمستقبله ، ناسيا أن الله يراه ، نسأل الله السلامة والعافية

ربي يهدي
شاطرين في التطور كان في الرجوع ماشريير
لعقوبة قاسية 5 سنين مكانش لحق في لباك زيد غرامة مالية
لكن 5 سنين والله بزاف ..........تدمير للمستقبل لو كانها سنتين تكون اخف
حتى لي يندم ويحب يبدا من جديد يفوتو ترا
ربي يهدي


اتمنا دايما يدبرو حراصة مشددة لكن ليس مبالغا فيها المهم الي تعب يلقى والله دايما اتمنى تكون حراصة مشددة في المواد الاساسية لخطراكش تحتاج الى تركيز كبير
المهم ربي ينجحكم كامل العقوبة لينا العام جاي