عنوان الموضوع : من فضلكم ساعدوا طفلة يتيمة على التوجيه لتحضير البكالوريا
مقدم من طرف منتديات العندليب

السلام عليكم

جارتي بنت لطيفة يتيمة تحصلت مؤخرا على البكالوريا بمعدل 14.9 شعبة العلوم التجريبية


لكن المشلكة أنها (مقطوعة من شجرة) و لم تجد من يساعدها على التوجيه مع العلم أنها يتيمة الأب و أمها ليس لها أي مستوى تعليمي


عرضت عليها المساعدة لكن المسكلة أنني أنا لم أستطع معاونتها لقلة معلوماتي


من فضلكم ساعدوني لأساعدها ....


لم يتبق الكثير من الوقت .....


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ننصحها تدير
جراحة اسنان
المدرسة العليا للاساتذة (المواد لي تحبهم) ماتندمش عليهم مليحة بالبزاف
خدمة مضمونة (بالكونطرا)

=========


>>>> الرد الثاني :

جراحة أسنان ما نظنش يوصلوها المعدل


و العام اللي فات كم وصل المعدل الدخول للمدرسة العليا للأساتذة ؟

=========


>>>> الرد الثالث :

14.9 معدل مليح تقدر دير واش تحب بيتروشيمي و هندسة بيوطبية و هندسة معمارية وعمران حتى الطب و الصيدلة و جراحة اسنان يمكنها وضعها في الرغبات كما هناك مدارس كثيرة يمكنها الالتحاق بها و المدارس العليا للاساتدة كما قالت الاخت الخدمة مضمونة و الله يوفق

=========


>>>> الرد الرابع :

المشاركة الأصلية كتبت بواسطة g.sai
جراحة أسنان ما نظنش يوصلوها المعدل


و العام اللي فات كم وصل المعدل الدخول للمدرسة العليا للأساتذة ؟

العام الماضي كان بالمعدل الحسابي
كانت عاليا بزاف تاع الثانوي
علوم دقيقة 17
علوم طبيعية 15.70
احتمال كير يمدولها تاع المتوسط

=========


>>>> الرد الخامس :

انصحها باستاذ التعليم الثانوي في الاعلام الالي اختيار اول
واستاذ التعليم المتوسط اعلام الي اختيار ثاني
هو اختصاص جديد ومناصب العمل مضمونة
بالتوفيق

=========


المدارس العليا للاساتذة

راه يوصلو معدلها نورمال

على خاطر بدلو الكلاصمون

ما عادش كيما قبل


المدرسة العليا افضل لان كاين بوست نتاعها كي تكمل انا انصحها دير المدرسة العليا الاساتذة وخاصة اختصاص رياضيات او فيزياء وكيمياءاو ادب عربي اما دير استاذة تعليم متوسط ولا دير استاذة تعليم ثانوي ولا دير استادة تعلييم ابتدائي من احسن دير استاذة تغليم متوسط اتمنمي لك التوفيق انشاء الله في حياتك الجامعية

انا ننصحها تدير المدرسة العليا للاساتذة في جميع المواد

الاختيارات:
1-علوم و تكنلوجيا
2-علوم المادة
3-بيولوجي
4-......7 - مدرسة عليا للأساتذة في مختلف المواد و ذلك حسب رغبتها
8-10 مدارس تحضيرية
و الله الموفق

المشاركة الأصلية كتبت بواسطة هاجر19
الاختيارات:
1-علوم و تكنلوجيا
2-علوم المادة
3-بيولوجي
4-......7 - مدرسة عليا للأساتذة في مختلف المواد و ذلك حسب رغبتها
8-10 مدارس تحضيرية
و الله الموفق

علوم المادة الله يهديك كاين واحد يدير علوم المادة مافيهاش مستقبل واسوء منها البيولوجي
راي ركزي علي المدارس العليا ولا هندسة معمارية

هذا في منظورك يا أخ. و لكن علوم المادة اختيار جيد

راهي تقولك يتيمة بعدما تقرا تحتاج تخدم ماشي تشد حيط