عنوان الموضوع : مـــيزرية التسجيل الجامعي للثالثة ثانوي
مقدم من طرف منتديات العندليب

السلام عليكم ....

الموضوع اليوم لن يحلو من الانتقادات .....
في بلاد الدي زاد ... كلش مارش آريار ... كلش بالبيستو
يلا خطاك البيسطو ...ما تدير والووووووووووووووووو
..............................​................... ...........​..............................​....... ......
المهم ..الموضوع خصييصا للتسجيلات الجامعية ....

او بصيغة اخرى : عناء التسجيل و البوليتيك

استخراج الوثائق ...
ما تجي تخرج دوك الورق حتى تشيب ...و يلا ما كانش العرف رايح ترشى في البلدية و المصالح الاخرى
.... هدا يقلك روح لهدا ..و هدا يقلك روح لهداك ... و هداك يقلك جيب ذيك ... وهي رايحة و رايحة .................
بعد ميزرية البلدية و الدايرة و ووووووو ... تجي الشوط الثاني
عناء التسجيل الجامعي :
تدي الدوسي نتاعك و تروح للجامعة ..الي مشا 100 كلم و الي مشا 200 كلم و الي رايح من الصحرا للبحر .....
تلحق لمركز التسجيل ... و تريح في لاشان كيفك كيف الغاشي حتى تلحق دالتك ....مي صحاب لكتاف و العرف
يفوت بلا ما يشور .....................
و الظاهرة الاخطر من ديك هي انو تجي طفلة مبيشة روحها ...تفوت كي صباح الخير ... وتفوت حتى للمدير ...........................هدي​ كرهت لي حياتي .... هدي صرات قدام عيني للصحاب الطعون ..............................​..
و حاجة ثانية لمباتة ربي يجيب ...انا شخصيا رحت سجلت في الجامعة بعيدة عليا .. وحبيت نولي مع المساء
راكم عارفين بلادنا ..... الحقرة .. السراق .........و زيد ماكانش ترونسبور ...........
عشيت ندور في كالمهبول ونتميزر .... جيت نسجل شبعت ميزرية .....الله غالب بلاد الدزاير الي نبغيها و ما تبغيناش


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هدا الموضوع مقتبس من مجموعة : طلاب جامعات dz
على الفايسبوك
المجموعة التي لا تسكت عن العيوب و النواقص

=========


>>>> الرد الثاني :

c drole mais vrai
ellah ghaleb blaaaaaaaaaaaaad miki yahkemha walt dizni

=========


>>>> الرد الثالث :

قطعت 150 كلم
ديت معايا ارشييييف تاع وثائق
واش نقولك classeur l ماحبش ينغلق
و فالاخير قالولي خصك اوراق
المهم سجلولي
الشعب بزااااااااف التنظيم سيىء 2 ساعات و انا فالجامعة نسجل

=========


>>>> الرد الرابع :

انا من ل 10 وان تم حتان ل 11ال نص باش شريت التيكي او من بعد كي حطيت الدوسي على ل 11اونص قالولي استنا حتان ل لودة و نص راهم رايحين يتغداو مي الله غالب هاذي هي الجزائر

=========


>>>> الرد الخامس :

قلتلكم بلي توقعو كلش في بلاد الدزاير ............................

=========


انا من 11 حتى 4 وحنا نساناو باش يمدولنا بطاقة الطالب زعما درنا دوسي البارح يعني اليوم درت غير بطاقة الطالب وتاع المكتبة وروحت


راني درت 12 ساعة نتاع ترونسبور في الطريق وزيد الميزيرية

مازالك تقرا في الجامعة وتشوف