عنوان الموضوع : مالجديد ؟؟ خلونا على علم بآخر الاخبار تحضير بكالوريا
مقدم من طرف منتديات العندليب

السلام عليكم ورحمة الله تعالى وبركاته

نتمنى من كل واحد في كل ولاية يخبرنا بآخر ماوصل ليه وآخر ما سمع
نتمنى ايظا من صحاب لمعارف واللي قدروا يكلموهم اشخاص في المجال عارفين بمواعيد تسليم الاوراق وظهور النتيجة يخبرونا واش قالولهم

///
من جهتي في قسنطينة مسمعنا والو لكن مررة على مرة نسمعو زغاريييت واختي تزيد تخلع



ــــــــــــــــــــــــــــــــــــــــــــــــــ ـــــــــــــــ
من فضلكم اخوتي لاداعي للكذب او اختراع كلام فستحاسبون عما تقولون اما الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مزال مكان والو خويا

=========


>>>> الرد الثاني :

maken walou khouyaa

=========


>>>> الرد الثالث :

قالو نهار 1 جويلة تطلع فالانترنت
وربييييييييييييييييييييييي يجيييييب الخير ان شاء الله

=========


>>>> الرد الرابع :

السلام عليكم
حنا في بريكة ولاية باتنة مكان واالو بصح صحاب المعارف ف l'acadimie عرفوا
ربي ينجحنا ان شاء الله

=========


>>>> الرد الخامس :

المشاركة الأصلية كتبت بواسطة ahmed nehili
قالو نهار 1 جويلة تطلع فالانترنت
وربييييييييييييييييييييييي يجيييييب الخير ان شاء الله

تطلع بالاحد وبوتفليقة يكرمهم بالاثنين اي متصلحش؟؟ متى رايحين يوجهولهم دعوة للمتفوقين ويحضرو للتكريم؟؟؟
انا نظن قبل

=========


المشاركة الأصلية كتبت بواسطة nouha19
السلام عليكم
حنا في بريكة ولاية باتنة مكان واالو بصح صحاب المعارف ف l'acadimie عرفوا
ربي ينجحنا ان شاء الله

يعني النتيجة راهي فالاكاديمي؟؟ وهوما يقولو مراكز التجميع


صباح خير يا حنا في غليزان ما كان ولو بصاح راهم قولو اصحاب معرفة جابو احنا شدين في ربي وربي معنا

30 جوان على الساعة 00:00 https://www.alg17.com/bac-Results-2012/

البارحة صديقتي اتصلت بي قالتلي جارتهم نجحت كونها عندها معارف في الاكاديمية

لكن في نفس الوقت احد اقاربي قالي انو النتائج تظهر السبت فالليل يعني الاحد

و الله اعلم

المشاركة الأصلية كتبت بواسطة اسمه
صباح خير يا حنا في غليزان ما كان ولو بصاح راهم قولو اصحاب معرفة جابو احنا شدين في ربي وربي معنا

ربي يجيب اللي فيه الخير آمين

كاملا انت اي ولاية؟؟؟ في قسنطينة قالو مكانش في لكاديمي بصح كاين نش

المشاركة الأصلية كتبت بواسطة twrina25
كميلة انت اي ولاية؟؟؟ في قسنطينة قالو مكانش في لكاديمي بصح كاين نش

ولاية الشلف

المعدلات ليست في لاكاديمي

لان جارنا عنده عرف كبير تما وما زال ما سمعتش الزغارييت لخاطرش بنته تفوت الباك

السلام عليكم
انا من بجاية
و الله كل الي يتقال كذب
عندي اختي تخدم فالاكاديمي و ما زال ماكانش النتائج
و قالولنا بلي النتئج رح توصل يوم السبت
المهم ربي ينجحكم كامل
ما بقا غير يومين و ربي يجيب الي فيها الخير
متامنوش الكذابين الي يقولو علابالنا النتيجة