عنوان الموضوع : واش حوالكم مع الباك
مقدم من طرف منتديات العندليب

السلام عليكم اخواتى نتمنى تكونو بخيير
ونتمنى تكون تحضيراتكم للباك راهى مليحه
المهم انا كتبت هذا موضوع باش كل واحد يقوللنا وين وصل فى مراجعه المنزليه
واش لحوايج اللى ماشي فاهمها مليح باش نساعدوه على استعابها
انا بالنسبه ليا رياضيات كانت ما نفهمهاش على اول عام وكانت عاملتلى عقده مى درك مع كملنا دوال اسيه وليكور الحمدلله بديت نفهمها بالعقل
بالنسبه للعلوم نفهم دروس بشكل جيد لكن ما نقدرش نحل بعض تمارين متل كتاب احم امين خليفه فيه تمرينات صعاب ما قدرتش نحلهم
فيزياء رانى ماشيه مليح وفاهمه كلش الحمدلله
انجليزيه وفلسفه لا علاقه
مواااد الحفظ كل ما نحل نحفظ يجينى النوم :d
اسفه على ايطاله نشاءالله تتفاعلو مع موضوع
سلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ana na9ra gestions machi sience mais ma3lich ncharak m3ak ana wlh ghir rani chwia lahfida rani ghir m3a i9tisad tarikh wdjoughrafia walou math!! allaho a3lam f wenglish wfalsafa rani aaaaaaaaawttt rani mba7ra

=========


>>>> الرد الثاني :

مرحبا بيك اختى وشكرا على مشاركه وربى يسهلك نشاءالله مام اانا نفس مشكل مع لحفاضه

=========


>>>> الرد الثالث :

هههههههههه انا كيفك فلسفة لاعلاقة

ولماات مازالت عقدة قوليلي كيفاش تهنيتي منهاا ربي يخليك ويوفقناا كاملين ان شاء الله

=========


>>>> الرد الرابع :

السلام عليكم
انا نقرا لغات........
انا راني الحمد لله مع الباك مي في الفلسفة والوا ما رانيش نفهم راني حايرة واش رح ندير وتانيك في الجغرافيا المصطلحات بليز ادا تقدروا تعاونوني .................

=========


>>>> الرد الخامس :

اولا مرحبا بيك
المات كنت كل ما نروح نجبد كراس ونعاود واش درنا اى سؤال ما نفهموش نديه معايا للكور + سلاسل تاعنا اللى يعطيهملنا شاملين وفيهم كلش
عاونونى بزااف وما تكتريش عليك الكتب الخارجيه

=========


marwa miri اهلا بيك اختى فلفسه مشكلتنا الكل
مصطلحات جغرافيا درك نحاول نرفعهملك


اوكي اختي شكرا بارك الله فيك

والله انا المواد كامل لاباس غير الفيزياء الاستاذ هذا اول عام يدرس قسم نهائي من التناقص الاشعاعي بدأ تروحي معدتش قادر نفهم راهو غي يدزلنا بصح الدروس الاخرة الحمد لله.والرياضيات رانا لسع في خطوات دراسة تغيرات دوال والقسم الاخر في الدالة الاسية استاذ يروح واستاذ يجي ...............................................ملا حظة متى اختبارات الفصل الاول عندك نحن 25/11/2012


نحنا 2 ديسمبر

اسفة اختي نادية14 انا نقرا لغات ما نقدرش نساعدك
وبالنسبة للاختبارات مازال ما قالوناش....

المشاركة الأصلية كتبت بواسطة jojo annaba
اولا مرحبا بيك
المات كنت كل ما نروح نجبد كراس ونعاود واش درنا اى سؤال ما نفهموش نديه معايا للكور + سلاسل تاعنا اللى يعطيهملنا شاملين وفيهم كلش
عاونونى بزااف وما تكتريش عليك الكتب الخارجيه

Merciiiiiiiii lahbibaa

sah défaut nta3iii man9rach bezf fdar

المشاركة الأصلية كتبت بواسطة marwa miri
السلام عليكم
انا نقرا لغات........
انا راني الحمد لله مع الباك مي في الفلسفة والوا ما رانيش نفهم راني حايرة واش رح ندير وتانيك في الجغرافيا المصطلحات بليز ادا تقدروا تعاونوني .................

https://www.mediafire.com/?ac38xnnaj9p3e0x

ن شاء الله يفيدك هدااا

حتى انا لكان كترت نقرى ساعه نجى من دار تعبانه كل نهار نخرجو على 5 مى اليوم معوله نوض بكرى على جال لحفاضه قبل ما تتراكم عليا

شكرا اختي ربي يعطيك ما تتمناي ربي يوفقك