عنوان الموضوع : الى الطلبة الاحرار....قولولي كيفاه راكم تقراو بكالوريا علمي
مقدم من طرف منتديات العندليب

السلام عليكم ورحمة الله

طلبة 2015 الاحرار

ممكن كل واحد يقوللنا كيفاه راه يقرا؟

انا مازال مابديتش ومالقيت منين ولا كيفاه نبدا

مادا بيكم تحطوا برامجكم وخططكم وتوزيعاتكم الزمنية باه نستفادو

والله حرت وخفت يروح الحال وانا مادرت والو





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا ما زالني مع التسجيل و اجهت صعوبات و مازالني خايفة لا يفوتني الوقت عليها مازال ماش نخمم في القراية حتان نسجل و ربي يستر

=========


>>>> الرد الثاني :

حتى انا مزال مابديتش مي راني معول نبدا مور العيد انشاء الله
ربي يوفقك و يوفقنا

=========


>>>> الرد الثالث :

حتي انا مورا العيد ان شاء الله

=========


>>>> الرد الرابع :

الحمد لله منيش وحدي ههههههه

وكيفاه ناويين تقراو

انا الاسبوع اللي عد العيد نبلوكي ان شاء الله ونرجع للدار

=========


>>>> الرد الخامس :

احبتي ننصحكم اذا كنتم علميين
ننصحكم تنسفوو المواد الأدبية في شهر نوفمبر ومن بعدهااا تدرسون الا المواد العلمية


بالتوفيق للجمييع ان شــاء الله

=========


انا المواد الادبية الحمد لله

لكن مام الاجتماعيات نحفظوها درك؟

والعلوم الاسلامية؟

زعما ماننساوش؟


المواد الادبية هي الاخيرة مفروض هكا

انا تاني راح نعثبو حر انا دركا قاعد نحل التمارين تاع الكتاب فيزيا و رياضيات كشما نهز شوية افكار

والله انا كل يوم نجيب سيجي تاع مواد علمية ونحل
صراحة مازال مالقيتش برنامج محكم للدراسة
سيرتو كي نبدا لقراية لازم نوفق بيناتهم
بالتوفيييق
لي عندو برنامج يحطو ...سلام

نقولكم حاجة

انا مازال مابديتش ولكن راح نقرا ان شاء الله المواد الادبية والعلمية مع بعض حتى نخلصهم مع بعض

لانو لوكان نبدا غير مع المواد الادبية حتى نخلصهم راح نغلب من لحفاضة منهم ولوكان نبدا بالمواد العلمية

راح يغلب راسي من الحسابات

اذن راح نحفظ شوية كي نغلب نقلبها مواد علمية كي نغلب نرجع للمواد الادبية نرتح بيهم

هذا رايي وهكا راح ندير ان شاء الله

اما برنامج برنامج مادرتوش لانو عمبالي لوكان نديرو 100000000000000 بالمية مانيش راح نطبقو

امالا نشوف الظروف ونقرا

انا مازال ماعرفتش كيفاش نبدا صح يقولو اصعب الامور بداياتها,حابو نتحصل على الكتب المدرسية و البرنامج المدرسي باه نتقيد به و بالتالي يروحلي التشوش ,بالنسبة ليا انا رايحة نعاودو ادبية مع العلم تحصلت على باك علمية قبل لذلك الان مانيش عارفة حتى ترتيب الدروس كيفاش يكون لاني لم اطلع على الكتب المدرسية ,,,,,,,,,,,بعد العيد ان شاء الله نركزو مليح و ربي يوفقنا كامل

المشاركة الأصلية كتبت بواسطة akiro
انا تاني راح نعثبو حر انا دركا قاعد نحل التمارين تاع الكتاب فيزيا و رياضيات كشما نهز شوية افكار


وبديت الدروس من البداية؟

يعني بالترتيب؟

وعاودت الدروس النظرية ولا لا؟


المشاركة الأصلية كتبت بواسطة عبير الأزهار
والله انا كل يوم نجيب سيجي تاع مواد علمية ونحل
صراحة مازال مالقيتش برنامج محكم للدراسة
سيرتو كي نبدا لقراية لازم نوفق بيناتهم
بالتوفيييق
لي عندو برنامج يحطو ...سلام


ممكن نعرف تخصصك في الجامعة؟


المشاركة الأصلية كتبت بواسطة peaceful spirit
انا مازال ماعرفتش كيفاش نبدا صح يقولو اصعب الامور بداياتها,حابو نتحصل على الكتب المدرسية و البرنامج المدرسي باه نتقيد به و بالتالي يروحلي التشوش ,بالنسبة ليا انا رايحة نعاودو ادبية مع العلم تحصلت على باك علمية قبل لذلك الان مانيش عارفة حتى ترتيب الدروس كيفاش يكون لاني لم اطلع على الكتب المدرسية ,,,,,,,,,,,بعد العيد ان شاء الله نركزو مليح و ربي يوفقنا كامل



اختي تقدري تسالي المترشحين النظاميين او حتى الاحرار اللي شعبة لغات هوما يدلوك

هكدا تسهل مهمتك وتلقاي كيفاه تبداي

خصوصا انو برنامج جديد عليك