عنوان الموضوع : انا جــزا ئــري لتحضير البكالوريا
مقدم من طرف منتديات العندليب


السلام عليكم
....................
خاوتي خياتي واش نحكيلكم انا قصة قصة في عمري 26 سنة المهم انا جوزت العسكر كيما انا كيما الناس في تمنراست وبالضبط في عين قزام في الحدود مع مالي والحمد لله
والمهم قبل منجوز العسكر كان حلمي اني نكون عسكري او دركي ولكن الله غالب راكم عارفين الدنيا كامل معارف وانا الله غالب زوالي ولد زوالي معندي حتي واحد الا ربي سبحانو
...
المهم كي كملت العسكر وخرجت والحمد لله بديت ندير في الدواس تاع الخدمة وانا كلي امل ان نلقي خدمة لانهم اقولو الي عقب العسكر عندو الاولوية
" هــدرة برك "
...
ايــا درت في كل حاجة درت في الحماية المدنية"هههه" الي يدخلها غير فلنا ولد فلنا يعني انا غير ضهري ودرت
ودرت في الجمارك"هههههههه" هذي ايكون باباك وزير باش يقبلوك يعني غير ضهرلي
...
ايا حبيت ندير في الشرطة بصح الله غالب السي الهامل بدل القانون الي 23 سنة" وانا زعما عقبت العسكر باش ندخل لشرطة"
...
ايا درت في الوضيف العمومي في التربية الصحة ادراة السجون " نفس الشيئ " المعريفة مكاش
.....
ايا دورتها لونساج انا قلت بالاك ياك راهم ايقولو الدولة راهي تعاون الشباب " الغني برك"
وببحكم عن شهادة تقني في الاعلام الالي درت باش اخلوني نفتح مقهي انترنات" تبوس عينك و متفتحش " بسبب الوثائق المطلوبة ايا محبوش يقبلولي الملف تاعي في البنكة
.....
ايا وليت نخمم واش ندير واش ندير
قــررت نفتح طابلة تاع دخان نبيع الكاوكاو والدحان والشمة" اكرمكم الله" والمشكل الدولة مخلتنيش جاو نحاو الطابلة قالولي متحلش هنا
" الله غالب مكتوب ربي"
.....
ايا زت خممت واش ندير واش ندير سمعت بلي كاين مسابقة تاع جمارك في نوفمبر 2016 ايا رحت نحط ملف" 10 ايام وانا نروح باش قدرت نحط الملف"الناس تحط الملفات بار تيلفون "

وهكا قلت معليش والله غير نحط الملف ايا حطيت وجوزنا البسيكو و الامحان الكتابي والي يومنا هذا مكان والو ...
" الناس الي تدخل والله متسمع كامل بلكنكور"
.....
ايا دوكا قـــررت نخدم في شونطي وخلاص" الله غالب بلادنا كيما هكا "

" المعريفة + الجنس اللطيف + ولد فلان + الرشوة"
......
أخــــوكم في الله عــزالدين من عين الدفلي. //0793.93.30.21//


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الخ نقولك كلمة صح في بلادنا لازم غير المعرفة سي نو غير ريح في دارك هدا هو الواقع .بصح يا الاخ الحمد لله ربي كاين و ماتخافش من هدي معرفة والحقرة ... والله ما تدي غير اللي كاتبهالك ربي ايا توكل على ربي و ديما الدعاء و انشاله تصيب الخدمة و يعطيك ما تتمنى سلام

=========


>>>> الرد الثاني :

المشاركة الأصلية كتبت بواسطة reyad18
الخ نقولك كلمة صح في بلادنا لازم غير المعرفة سي نو غير ريح في دارك هدا هو الواقع .بصح يا الاخ الحمد لله ربي كاين و ماتخافش من هدي معرفة والحقرة ... والله ما تدي غير اللي كاتبهالك ربي ايا توكل على ربي و ديما الدعاء و انشاله تصيب الخدمة و يعطيك ما تتمنى سلام

اذا كان يدي غير اللي كاتبهالوا ربي

فاذا لماذا الالقاء باللوم على المعريفة والرشوة وغيرهم من الآفات ؟

=========


>>>> الرد الثالث :

ربي يكون في العون

=========


>>>> الرد الرابع :


=========


>>>> الرد الخامس :


=========