عنوان الموضوع : نصائح هامة و مصيرية بخصوص التحضير في شهر ماي للبكالوريا هاام
مقدم من طرف منتديات العندليب

السلام عليكم
جمعة مباركة إخواني أعضاء منتدى الجلــفة أنتم المقبلون على إمتحان البكالوريا إن شاء الله
شهر ماي هو شهر مفصلي في التحضير المستمر لشهادة البكالوريا إن هذا الشهر يتمتع بخصوصية شديدة في المراجعة العامة للإمتحان
إذ يرتكب عديد الطلبة أخطاء بالغــة في هذا الشهر تؤثر في المجمل على مردودهم العام و على نقاطهم لاحقا
إن شهر ماي يتطلب راحة أكثر من العمل و التحضير إذ يجب أن يقتصر التحضير على أمور شكلية أو بالأحرى وضع الروتوشات الأخيرة لانه يتبقى اقل من شهر
ملاحظات حول كيفية المراجعة في شهر ماي :
_ الإقتصار على حل مواضيع البكالوريا للدورات السابقة
_ إعادة مراجعة دروس المواد الأدبية ( الشريعة و الإجتماعيات )
_ عدم حل تمارين الرياضيات و الفيزياء الصعبة لأنها تؤثر على ذهنية الطالب
_حفظ رسوم العلوم الطبيعية و المخططات
_ المداومة على المشي لمدة نصف ساعة حتى ساعة
_ التقليل من استعمال الانترنت و يستحسن التخلي عنها لهذا الشهر لانه ستكثر الإشاعات عن المواضيع المسربة و العتبات الزائفة
_ إراحة الجانب المعنوي بالصلاة و القران و ذكر الله و الإكثار من الدعاء
_إراحة الجانب الجحسدي بالنوم في الوقت و الإسيقاظ في الوقت و تجنب ممارسة الرياضة خشية الإصابة
بصريح العبارة اخطيكم من رفع الريتم باسكو راح تعياو و يطيحلكم المورال امشيو على حسابكم ماتطلعوش النيفو بزاف باسكو الباك ساهل ماهل و راح تضحكو كي تشوفوا المواضيع لسهولتها خصوصا الي يكون قاري مليح

اي سؤال استفسار او طلب راني هنا للاجابة ربي يوفقكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على النصائح المفيدة انا لذرك ما حفظتش وبصريح العبارة ما نعرفش نحفظ ثم ثم تضيق روحي ومبعد نلقا روحي محل في المات والفيزيا من فضلك واش ندير

=========


>>>> الرد الثاني :

جربي اختي تلخصي الدروس و الشريعة راح تحفظيهم بسرعة احفظي من كاش ملخص
التاريخ ركزي على التواريخ و الشخصيات و المصطلحات لخصيهم و حفظيهم و ماتخافيش جربي بكري عند الفجر ديري 2-3 ساعات حفاظة بربي تكملي نسبة كبيرة من الحفاظة

=========


>>>> الرد الثالث :

زعما نقدر نتدارك وضعي ... انا موليتش نهتم بالباك بردت من التقلاق مانيش قادرة نراجع الصح وصل وانا عييت

=========


>>>> الرد الرابع :

ماراحش نكذب عليك اختي و نقولك راح تستدركي كلش لكن بربي راح تتداركي الجزء الاكبر و بربي تجيبي الباك غي سطري برنامج و امشي عليه

=========


>>>> الرد الخامس :


=========