عنوان الموضوع : أ نـــــــــصـحوني الله ينجحكم لتحضير البكالوريا
مقدم من طرف منتديات العندليب

السلام عليكم و رحمة الله

يا إخوتي انا مــاني فاهم والو فالفيزياء راها مطيحتلي المورال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا الوحدة الاولى تمكنت فيها اما الثانية مزال أني معها

=========


>>>> الرد الثاني :

مفتاح الفيزياء هو العمل وحل التمارين ولا شئ غير ذلك .

والله يا اخى انا ايضا ماكنتش نفهما وكنت نعاني بزاف منها من يوم مادخلت الثانوية ابسط الامور بالنسبة للبعض انا ماكنتش نعرفها واذا حاولت نفهم الدرس ونحل تمرين نفهم التمارين لكن غير يغيرولي اسلوب تمرين ولا يزيدو حاجة فيه نبلوكي .
اخى ننصحك والله شاهد على ما اقول لا تيأس وبدا عاود الدرس وجيب ورقة ولخص اهم المفاهيم والقوانين وروح لموقع الاستاذ قزوري تصيب ملخصات الدرس وعاود اكتبوا بنفسك و حل تمارين الكتاب المدرسي وراح تصيب الحلول تاعها في نفس الموقع واذا تدير لكور انتبه للاستاذ وكيفية حل التمارين وسقسيه كل حاجة اللي تجي في بالك متحشمش ودير تمارين اللي يطلبهم منكم قبل متحلهم معاه هذه نقطة مهمة جدا لان عقلك اجتهد في التمرين وفكر يه وحتى لوكان ماكنش صحيح كي الاستاذ يصحح الاجابة راح تبقى في عقلك ومراحش تنساها وشارك في القسم وطلع حل حل التمارين في الصبورة حتى لو مكنتش فاهم على خاطر راح تفهمو وانت تحل فيه مع الاستاذ

والله العظيم يا اخي الان الفيزياء من احب المواد الى قلبي اكثر من اي مادة قول في قرارة نفسك "باللي مكانش حاجة صعيبة وانا نحب الفيزياء وانا نقدرلها!! "
وننصحك بكتاب الجديد في الفيزياء ساعدني بزاف
توكل على الله واجتهد
ربي يوفقنا ان شاء الله


=========


>>>> الرد الثالث :

واش تحب نعطيلك بالتفصيل اذا كان بامكاني طبعا
حدد واش مشك فاهم

=========


>>>> الرد الرابع :

السلام عليكم
راك كيما كنت أنا
سيرتو نتاع النووي ..... كيما ندخل كيما نخرج و أستاذنا تقول راه يفهم في واحد فاهم
المهم بالصدفة لقيت فيديوهات دروس هااااااااااايلين نتاع برنامج فرصة نجاح تفرجت الفيديو نتاع النووي فهمتو فوووووووور و الحمد لله
من بعد عرفت بلي هذا البرنامج يعرض في التلفزيون في قناة الرابعة المغربية و يفهم في كامل الدروس ...وكي زدت حوست لقيت بزااااف يشكرو فيها
المهم.....النووي فهمتو من هذا الفيديو
https://www.youtube.com/watch?v=3tiE4bbJo74
و الظواهر الكهربائية تفرجتو في التلفاز مع استاذ واحد آخر يفهم روووووووووووعة بصح ما كملتوش ... كي حوست في الانترنت باه نكملو ما لقيتوش ...اذا تم تنزيله راني نقولك تتفرجو......لذلك وليت تفرجتو من هذا الفيديو..
https://www.youtube.com/watch?v=C-14jRUuNFM

ركز تفهم.....و كي يديرو أمثلة و تمارين حبس الفيديو حلهم من بعد كمل معاهم ...داكور ؟

اذا عجبوك زيد حوس
المهم اذا فهمت ادعيلي بالدعاء لي في التوقيع + الأجر.........
ربي يوفقك

=========


>>>> الرد الخامس :

يعطيك الصحة ختي مينا الفيديوهات اللي حطيتيهم 44444444444444 بارك الله فيك اختي

=========