@@عام و انا صايم و مين لحق....!! بكالوريا ادبي
عنوان الموضوع : @@عام و انا صايم و مين لحق....!! بكالوريا ادبي
مقدم من طرف منتديات العندليب
[SIZE="4"]خاوتى السلام عليكم....
هذه هى الحقيقه المره ..عام و انا صايم ومنين لحق الفطور
جابولى قرقرة...
سهرت حرمت على نفسي الماكله و حرمت على نفسي كل حاجه تشتهيها و عصرت مخيّ
باش نتحصل على الباك و الحمد لله تحقق حلمى و فرحت فرحة الباك كما تعرفوها
و كى شفت الرغبات زدت فرحت و درت الرغبات اللى نحبهم هما اللولين ...
و في الأخير كل شئ تبخر في لحظة لم أكن أنتظرها ...
و زيد رماونى في بلاصه اللى ما كنتش نتمناها ...واش تحب هذه الدنيا ..[/SIZE]
قولو لى يرحم الوالدين واش نعمل بهذا العلوم الانسانيه....
و نحوس نبدل هذا الجامعه نقدر و لا لالا...فهمونا برحمة الوالدين و ربي يفرحكم ان شاء الله..
و السلام عليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
منتدى الادب و الفلسفه
13 مشاهدة و لا رد واحد.........علا بالى بلى الادبيين كل راهم مديgu وتيين
راه صاريلهم كثر منى
=========
>>>> الرد الثاني :
انا ثاني كرهت من قراية ديت الباك 12.70 وبعد عطاولي لغة المانية وانا جامي اذا قريتها راكم كيما انا
=========
>>>> الرد الثالث :
ana lhamdouleh weck kount bari ba3touni
dit BAC b13
dert espagnol ou ba3touni espagnol
=========
>>>> الرد الرابع :
الله غالب هادي بلاد ميكي انا اديت الباك ب 14.12
وخصتني 0.14 على واش راني حابة و مدولي الرغبة الثانية انجليزية في البليدة
=========
>>>> الرد الخامس :
كي يبدا العام تقدر تدير ترانسفار
=========
خويا انا ديتو ب12.40 واعطاوني علوم انسانية مي عجبتني مليحة والحمد لله فيها اعلام واتصال تقدر تخدم فيها في لابوصط وزيد تقدر تخدم فيها في الادارة انا عجبتني
حالتي كي حالتي ملقري تعبت بزااااااااادرت قاع بوسيبل تاعي
والباك هدا قريتلو قرايه تاع هبال
ما خليت لامراجع لا انترنتلا لي كوغ
وفي تالي تديه10
عمرك تغيضك
كي تكون قاع صحيح في راسك
تهبل
صدقوني حتى و جبت الباك
مي مفرحتلوش كي شفت هاديك لا موايان في موبليس تشوكيت و بكيت
حسبوها دموع الفرحه
وهي دموع قهر
الم
غير هبال لي مهبلتش
كون متعبتش نورماااااااال والله مايغيضني
كنت نامن بهادوك الأمثال
من سهر الليالي نال العلا
عام كامل ديتو قرايه ليل ونهاروفي لا فان.........
كنت كي نسمع بواحد يقرا فور وامبعد يقوللك مجابش الباك
منأمنش
نقول كون تعب ينال
مي دوكا امنت
وكاينلي عام كامل دايو غير تمسخير وفي التالي يدي الباك
كيفاش داه؟؟؟؟؟؟؟؟؟؟؟؟؟!!
مفهمتش !
وملقري توسا نحمدوه ونشكروه
هادي لي كتبها ربي
رد مع اقتباس
