عنوان الموضوع : ادخل و تشوف للثالثة ثانوي
مقدم من طرف منتديات العندليب

السلام عليكم كامل اصدقائي في منتديات العندليب انا بشرى من ولاية شلف السنة الثالثة لغات اجنبية المرة اللولة تاعي كيما تعرفوا الباك ماباقيلوش بزاف و نجوزوه و علابالي كامل رانا خايفين و صح هدا هو الامتحان اللي راح يحدد مصيرنا و هدا لكلام موجه لشعبة اللغات الاجنبية اللي في نظر الشعب العلمية انو احنا شعبة تافهة زعما احنا الادبيين ماناش كامل تاع كرايا لازم نكسرو هدا لكلام خاوتي لازم السنة شعبة اللغات الاجنبيةهي تدي اعلى نسبة نجاح في الجزائر انشاء الله و بالنسبة لهادوا ليام اللي رانا قاعدينهم في الدار لازم اديروا برنامجالمراجعة مي هادا البرنامج مالازمش يكون على حساب صحتكم لالا غير بشوية على رواحكم القراية لازمها تحبس على الستة تاع الحشية لازم تحاولوا تاكلوا مليح خاصتا الفواكه ديروا في بالكم بلي السنا الباك لازم نجيبوه زكارة في بن بوزيد بل عتبة ولا بلا بيها نربحوه وماكاش منها الناس اللي راهم دايرين باش يجيبوا الباك بمعدل عشرة عشرة ماراهي ادير والوا كلي ماجبتش الباك ماتقولش انا مانقدرش نجيب 14 و لا 15 اللي جابوها فواش خير منك و الحاجة المهمة كثروا مالدعاء و الصلاة مادام ربي معاكم راح ننجحوا انشاء الله و نوصيكم بحاجة انهار تكونوا اجوزوا في امتحان الباكالوريا كي تخرجوا من كاش مادة علابالي رايحين تتلاقاو مع اصدقائكم يقارعولكم برا يسقسوكم الا خدمتوا ولا لا نوصيكم اخدمتوا ولا لا ماتقولوش قولوا الحمد لله برك و ماتحاولوش تفكروا في المادة اللي فاتت شوفوا للمادة اللي راهي جاية لانوا كاين شي ناس بلعانوا يحوسوا يهبطولكم المورال النهار التالي و اهدروا ادا خدمتوا و لا لا و انشاء الله كيما اليوم في جويلية كامل نكونوا ناجحين نفرحوا رواحنا و والدينا و ماتنساوش باش تشكروا مدير المنتدى و ندعولوا ربي يوفقوا و يجعلوا من صدقاتوا الجارية واقيلا طولت عليكم انا مهدارة نهدر بزاف راني نهدر اكثر مالجزيرة اههههههههههههههههههههه وفي جويلية لازم كامل نكونوا ناجحين و ماكاش اللي يقولي ماعليش حتى العام الجاي السنا لازم نجيبوه و كاليفي للجاميعة راح نخليلكم الفايس بوك ديالي الا اسحقيتوا كاش حاجة ابعتولي ميساج فيه و انا بربي نرد عليكم و نعاونكم اي في لمان و بالتوفيق للجميع هادا هو فايس بوك ديالي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

maram rosa

=========


>>>> الرد الثاني :

درك اللغات هوما ليسحقوهم لخاطرش الجزائر راها معمرة اطباء
واللغات هي المستقبل

=========


>>>> الرد الثالث :

شكرا بزاف اختي كلامك هاذا ديما نحكي فيه انا وان شاء الله هاذا العام عامنا رانا معولين عليه بزاف الباك هاذا وسيرتو اللغات نجيبوه نجيبوه وكيما قلتي نهار 05 جويلة 2011 ان شاء الله الفرحة تعم قلوب والدينا ياختي انا تاني نحكي اكثر من الجزيرة هههههههههههههه باي بالتوفيق لكي سلام وفقكي الله وسدد خطاك

=========


>>>> الرد الرابع :

شكرا اختي منال رانا كامل خاوة اهههههههههههههههه الهدرة لبنات كامل كيف كيف اللسان ميترة اهههههههههههه ماعليش مي هدرتنا اجي بفايدة انشاء الله انشاء الله النجاح للجميع و كاليفي للجاميعة قولوا اميننننننننننننننننننننن

=========


>>>> الرد الخامس :

عجبتني الجزيرة هههههههههههههههههههه
انشاء الله هذا العام عامنا

=========


arwahou lel face boook kayen groupe nakraw fih pour les langues slm ok
ismou ben bouzid en juillet ana n3arras w nta tetharras


باراك الله فيك ختو كلامك والله غير يطلع لمورال ان شااااااء الله يا ربي قاع نربحو ونفرحو
اميييييييييييييين
زنقااا زنقاا دار دار على بن بوزيد نشعلو نار ورابيحين وزكاره في العديان
ههههههههههه
تهلاو
وان شااااااااااء الله هدااا عمنااااا

حبيبتي بشرى طلعتيلي المورال انشالله ننجحوا كامل ونهنوا بعظانا في جويلية

bon bouchra j t pas trouvé sur fb tu mé kel tof

binasabrina jé pas trouvé ce groupe sur le face book! ! ! ! ! ! ! ! ! ! ! ci quoi le nom,,,stp

[Imerci boucoup ma seour

2r1 oukhati rani toujour hana

bon courage

rabi inadjahkoum

inchalah w aneti tani yanajahak kamila w el najah lel jami3